मुसीकोट र चौरजहारी नगरप्रमुखको सपथ ग्रहण

स्थानीय सरकार

Home
स्थानीय सरकार
मुसीकोट र चौरजहारी नगरप्रमुखको सपथ ग्रहण

मुसीकोट र चौरजहारी नगरप्रमुखको सपथ ग्रहण

कखरा संवाददाता शुक्रबार, जेठ ६, २०७९

सपथ ग्रहण गर्दै ।

रुकुम पश्चिमका दुई नगरप्रमुखले सपथ ग्रहण गरेका छन् । मुसीकोट र चौरजहारी नगरपालिकाका नव निर्वाचित नगरप्रमुखहरुले सपथ ग्रहण गरेका हुन् । मुसीकोट नगरप्रमुखमा निर्वाचित महेन्द्र केसी र चौरजहारी नगरप्रमुखमा निर्वाचित पुष्प वादीले रुकुम जिल्ला अदालतमा सपथ ग्रहण गर्नुभएको हो । जिल्ला न्यायधिश विद्याराज पौडेलले दुवैलाई सपथ गराउनुभएको हो ।

नगरप्रमुखले सपथ ग्रहण गरेपछि उपप्रमुख, वडाध्यक्ष तथा वडा सदस्यको सपथ ग्रहण हुने छ । नगरप्रमुखले नै उनिहरुको सपथ ग्रहण गराउने कार्यविधि छ । सानीभेरी गाउँपालिका अध्यक्ष विर्खबहादुर विष्ट र बाँफिकोट गाउँपालिका अध्यक्ष जनककुमार बाँठा मगरले भने यस अघि नै सपथ ग्रहण गरिसक्नु भएको छ । आठबीसकोट नगरप्रमुख रवि केसी, त्रिवेणी गाउँपालिका अध्यक्ष गणेशकुमार केसीको सपथ ग्रहण पनि आजै हुने जनाइएको छ ।

प्रकाशित मिति: शुक्रबार, जेठ ६, २०७९ १३:१०