जिल्ला ब्याडमिन्टन संघ रूकुम पश्चिमले आयाेजना गरेकाे खुला ब्याडमिन्टन प्रतियोगिताकाे तेस्राे संस्करण अन्तर्गत रूकुम पश्चिम सिंगल तर्फ शिखर केसी विजेता बनेका छन् ।

आज भएकाे फाइनलमा रूकुम पश्चिम आठबिसकाेट नगरपालिकाका मुस्कान केसीलाई पराजित गर्दै रूकुम पश्चिम मुसिकाेट ५ का शिखर विजेता बनेका हुन् । उनले नगद १५ हजार, ट्रफि, मेडल र प्रमाणपत्र प्राप्त गरेका छन् ।

उपविजेता मुस्कानले ८ हजार नगद, ट्रफि मेडल र प्रमाणपत्र पाएका छन् । सिंगल तर्फ मुसिकाेटका राेहित ओली र सानीभेरीका रामकृष्ण नकाल सान्त्वना भए । उनीहरूले समान ३/३ हजार नगद, मेडल र प्रमाणपत्र प्राप्त गरेका छन् ।