रुकुम पश्चिम यु–१९ प्रदेश छनौटको फाइनलमा प्रवेश

खेलकुद

Home
खेलकुद
रुकुम पश्चिम यु–१९ प्रदेश छनौटको फाइनलमा प्रवेश

रुकुम पश्चिम यु–१९ प्रदेश छनौटको फाइनलमा प्रवेश

कखरा संवाददाता मंगलबार, कात्तिक २९, २०७९

वाइवाइ अण्डर १९ कर्णाली प्रदेश छनौटमा रुकुम पश्चिम फाइनल प्रवेश गरेको छ । आज सुर्खेतमा भएको सेमिफाइनलमा सल्यानलाई ८ विकेटले पराजित गर्दै रुकुम पश्चिम फाइनल प्रवेश गरेको हो । टस जितेर पहिले ब्याटिङ रोजेको सल्यानले १३.२ ओभरमा अल आउट हुँदै ६८ रन बनाउन सकेको थियो । उसका लागि अनिरुध कँवरले १३, मोहन केसीले ११ र सुमन भडेलले नटआउट १२ रन बनाउनु बाहेक अन्य खेलाडीले दोहोरो अंकमा रन जोड्न सकेनन् ।

रुकुमका गोपाल केसीले सर्वाधिक ३ विकेट लिए । त्यस्तै गणेश ददेल र कृतिप्रकाश सुनारले २/२ तथा युनिसविक्रम सिंह, अनिश खड्का र अनुज चनाराले १/१ विकेट लिए । ६९ रनको विजयी लक्ष पछ्याएको रुकुम पश्चिमले ६.१ ओभरमा २ विकेटको क्षेतिमा लक्ष पुरा गर्यो । उसका लागि महेश केसीले सर्वाधिक नटआउट ३१ रन बनाए । त्यस्तै अर्जुन घर्ती १६ रनमा आउट हुँदा गोपाल केसी १२ रनमा नटआउट रहे । रुकुम पश्चिमले फाइनलमा सुर्खेत र दैलेखकाे विजेतासंग प्रतिस्पर्धा गर्ने छ ।

याे प्रतियाेगिताबाट कर्णाली प्रदेशकाे अण्डर-१९ टिम निर्माण गरिने छ । उक्त टिमले वाइवाइ अण्डर-१९ राष्ट्रिय क्रिकेट प्रतियाेगिता खेल्ने छ ।

प्रकाशित मिति: मंगलबार, कात्तिक २९, २०७९ १२:४६

प्रतिक्रिया दिनुहोस्