संघीय शिक्षा ऐनमा समावेश भएका केही बुँदा संशोधन गर्नुपर्ने माग राख्दै निजी तथा आवसीय विद्यालय अर्गनाइजेशन (प्याव्सन) रुकुम पश्चिमले खलंगामा विरोध प्रर्दशन गरेको छ । जिल्लाका विभिन्न ठाउँमा संचालित रहेका निजी विद्यालयका संचालक, शिक्षक विद्यार्थीहरुले विरोध प्रर्दशन  सहभागि भएका थिए । कालिकास्थानदेखि सुरु भएको विरोध र्याली जिल्ला समन्वय, तल्लो बजार हुँदै पुस्पलाल चोकमा कोणसभामा परिनत भएको थियो 

कोणसभालाई सम्बोधन गर्दै प्याव्सनका केन्द्रिय सदस्य जयबहादुर थापाले शिक्षा विद्येयकमा सरकारले निजी विद्यालयलाई विवेद गरेको बताउनुभयो । पहिले निजी विद्यालय संचालन गर्ने अनुमती दिने र अहिलेको शिक्षा विद्येकमा निजी विद्यालयलाई कमजोर बनाउने गरी विद्येयक संसदमा टेवल गरेको  भन्दै विद्येकमा समावेश भएका बुँदाहरु संशोधन गर्नुपर्ने बताउनुभयो । गैर नाफामूलक कम्पनी ऐनमा दर्ता भई सञ्चालन भएको सम्पूर्ण निजी विद्यालयहरुलाई क्रमशः गैर नाफामूलक बनाउदै लैजाने प्रावधान हटाउनुपर्ने, एकीकृत छात्रवृत्ति प्रणाली सम्बन्धित पालिकाबाट वितरण गर्ने प्रावधानलाई संशोधन गरी पालिका प्रतिनिधि समेतको समितिले सम्बन्धित विद्यालयले नै वितरण गर्न सक्ने प्रावधान हुनुपर्ने  लगाएतका बुँदा संशोधन  हुनुपर्ने उहाँको भनाई थियो । 

त्यस्तै पूर्ण छात्रवृत्ती प्रावधान हटाइ १० प्रतिशत छात्रवृत्ती काम गर्नुपर्ने, नेपाल ऐन संशोधन गर्ने ऐन २०७७ ले ११ वटा विश्वविद्यालयमा कक्षा ६ देखि १० सम्म सामुदायिक विद्यालयमा अध्ययन गरेका विद्यार्थीले मात्र उच्च शिक्षा तथा सिटीइभिटी कार्यक्रम अन्तर्गत अध्ययन गर्न पाउने व्यवस्थामा भएको विभेदकारी उल्लेखित ऐन नियमका दफाहरू खारेज गर्नुपर्ने प्याव्सनका कर्णाली प्रदेश प्रमुख सल्लाहककार खड्क कँवरले बताउनुभयो । निजी विद्यालयका माग संशोधन नभए थप आन्दोलनका कार्यक्रमरु गर्ने प्याव्सनका  जिल्ला अध्यक्ष विमलकुमार शर्माले बताउनुभयो । त्यसको निम्ती पनि निजी विद्यालयका संचालक, शिक्षक लगायत सवैलाई तयारी अवस्थामा रहन उहाँले आग्रह गर्नुभएको थियो । माग संशोधन नगरे निजी विद्यालयको आन्दोलन सरकारले थेग्न नसक्ने समेत उहाँको भनाई थियो । 

र्याली कार्यक्रममा निजी विद्यालयका संचालक, प्रअ, शिक्षक लगायतको उपस्थिती रहेको थियो ।  हिजो  जिल्ला प्रशासन कार्यालयमा ज्ञापन पत्र बुझाएको प्याव्सनले आज विरोध र्याली गरेको हो ।