रुकुम पश्चिमको मुसिकोट नगरपालिकामा विद्युत् अवरुद्ध छ । खलङ्गा, सल्ले, बागबजार, पिपलनेटा लगायतका ठाउँमा गयराति देखि बिद्युत् अवरुद्ध छ ।

वर्षाका कारण खलङ्गाको पुष्पलाल चोकमा रहेको बिद्युत् पोल ढलेका कारण विद्युत् सेवा अवरुद्ध भएको नेपाल विद्युत् प्राधिकरण रुकुम पश्चिम वितरण केन्द्र प्रमुख वीरमान रास्काेटीले जानकारी दिनुभयो ।

पोल ढलेपछि खलङ्गा फिडरबाट बिद्युत् वितरण भएका ठाउँमा विद्युत् सेवा अवरुद्ध भएको उहाँले बताउनुभयो । अहिले मर्मतको काम चलिरहेको उहाँको भनाइ छ ।

उहाँका अनुसार नयाँ ठाउँमा पोल गाडेर बिद्युत् सेवा सुचारु गर्ने प्रयास भइरहेको छ । आजै सुचारु गर्ने गरी काम भइरहेको उहाँले बताउनुभयो ।