२२ औं निजामती सेवा दिवसको अवसरमा जिल्ला अदातल रुकुम पश्चिमले विभिन्न कार्यक्रमहरु सम्पन्न गरेको छ । उत्कृष्ट कर्मचारी सम्मान, निशुल्क स्वास्थ्य शिविर, निशुल्क आँखा परीक्षण शिविर लगायतका कार्यक्रमहरु गरेर निजामती सेवा दिवस मनाइएको हो । दिवसको अवसरमा उत्कृष्ट कर्मचारी (डिठ्ठा) अमरबहादुर खड्का र कार्यालय सहयोगी केदार केसीलाई नगद पुरस्कारसहित सम्मान पत्रले सम्मान गरिएको छ ।
उहाँहरुलाई जिल्ला न्यायाधीस दिपेन्द्र थापा मगरले प्रमाणपत्र तथा स्रेस्तेदार मन्दिरा शाहीले खादा लगाएर उत्कृष्ट कर्मचारी सम्मान गर्नुभएको हो । त्यस्तै दिवसको अवसरमा स्वास्थ्य सेवा कार्यालयको प्राविधिक सहयोगमा निःशुल्क स्वास्थ शिविर र रुकुम सर्जिकल आँखा उपचार केन्द्र सल्लेको प्राविधिक सहयोगमा निःशुल्क आँखा परिक्षण शिविर संचालन गरिएको जिल्ला अदालत रुकुम पश्चिमले जनाएको छ । शिविर जिल्ला अदालतको प्राङगणमा संचालन गरिएको थियो ।
शिविरबाट अदालतका कर्मचारी, सरकारी तथा गैरसरकारी अधिवक्ताहरु, लेखापढी कानून व्यवसायीहरुहरुले सेवा लिएका थिए । स्वास्थ्य परिक्षण शिविर र आँखा परीक्षण शिविरमा सहयोग गर्ने स्थास्थ्यकर्मीलाई प्रशंसापत्र सहित सम्मान गरिएको अदालतले जनाएको छ ।
