रुकुम पश्चिमको चौरजहारी नगर बाल संजालले ६१औं राष्ट्रिय बाल दिवसको अवसरमा आयोजना गरेको विविध कार्यक्रम सम्पन्न गरेको छ । नगर बाल संजालले बाल दिवसको अवसरमा आइतबार विद्यालय स्तरीय विविध कार्यक्रम आयोजना गरेको थियो । “बालबालिकामा लगानी: सुनिश्चित भविष्यको थालनी’’ भन्ने मूल नाराका साथ शितल क्याम्पस चौरजहारीमा बाल दिवसको अवसरमा विद्यालय स्तरिय विविध कार्यक्रम आयोजना गरिएको थियो ।
बाल दिवसको अवसरमा वत्तृत्वकला, हाजिरी जवाफ, लोक नृत्य, चित्रकला प्रतियोगिता र हिसाव दौड प्रतियोगिता संचालन गरिएको थियो । मावि स्तरिय वतृत्वकला प्रतियोगितामा हिमालय मावि खोलागाउँमा अध्यनरत केशव ओली प्रथम, मावि खहरेमा अध्यनरत कविता बुढा दोस्रो र शितल मावि चौरजहारीमा अध्यनरत सुदाम गौतम तेस्रो भएको चौरजहारी नगर बाल संजालका अध्यक्ष दिपक डाँगीले जानकारी दिनुभयो ।
उहाँका अनुसार आधारभुत तह कक्षा ६–८ हाजिरी जवाफ प्रतियोगितामा आधारभूत विद्यालय विजयश्वरी प्रथम, भ्याली पब्लिक बोर्डिङ स्कुल दोस्रो र मावि घरेलचौर तेस्रो भएको छ । लोक नृत्य प्रतियोगिता तर्फ कक्षा ६–१० जनकल्याण मावि सानोखोला प्रथम, हिमालय मावि खोलागाउँ दोस्रो र आधारभूत विद्यालय मानाकोट तेस्रो भएको उहाँले जानकारी दिनुभयो । चित्रकला प्रतियोगितातर्फ आधारभूत तह कक्षा १–५ आधारभूत विद्यालय मानाकोटमा अध्यरत छात्र मनोज राणा प्रथम, सरस्वती बोर्डिङ स्कुलमा अध्ययनरत छात्रा प्रतिक्षा सुनार दोस्रो र मावि खहरेमा अध्यनर छात्र आषिश पुन तेस्रो हुनुभएको हो ।
हिसाब दौड प्रतियोगिता आधारभूत तह कक्षा १–५ आधारभूत विद्यालय मानाकोटमा अध्यनरत सन्दिप बुढा प्रथम, अधारभूत विद्यालय मनकोटमा अध्यनरत यमुना शर्मा दोस्रो र मावि सानाखोलामा अध्यनरत धिरज आजार्य तेस्रो हुनुभएको हो । स्थान प्राप्त गर्ने सवैलाई स्टेसनरीका सामग्री कामी कलम प्रदान गरिएको चौरजहारी नगर बाल संजाल अध्यक्ष डाँगीले जानकारी दिनुभयो । कार्यक्रमको आर्थिक सहयोग चौरजहारी नगर पालिकाले गरेको थियो ।
