प्रभु महालक्ष्मी लाईफ इन्स्योरेन्स लिमिटेड मुसिकोट रुकुम पश्चिमको वार्षिक समिक्षा, आगामी योजना, अभिकर्ता सम्मान तथा  क्षमता अभिबृद्दी  कार्यक्रम सप्पन्न भएको छ । जिल्ला सदरमुकाम खलंगामा आर्थिक वर्ष २०८१÷०८२ को वार्षिक समिक्षा तथा अभिकर्ता सम्मान तथा  क्षमता अभिवृद्धी कार्यक्रम सम्पन्न भएको हो । वार्षिक समिक्षा कार्यक्रममा ७० जना भन्दा बढी अभिकर्ताको उपस्थिती रहेको  प्रमु महालक्ष्मी लाईफ इन्स्योरेन्स लिमिटेड मुसिकोट कार्यालयका प्रमुख ब्यूँझना पुन देवकोटाले जानकारी दिनुभयो ।

उहाँका अनुसार वार्षिक समिक्षा कार्यक्रमको अवसरमा शाखाको व्यवसाय प्रबद्र्धनका लागि पुर्याएको उच्च मुल्यांकन गर्दै कखरा अनलाइन कार्यरत पत्रकार बलेन्द्र ओली र मुलपाटी अनलाइनका सम्पादक राजु लामिछानेलाई सम्मान पत्र र दोसल्लाले सम्मान गरिएको थियो ।  त्यस्तै कार्यालयले विभिन्न विधामा उत्कृष्ट हुने अभिकर्ताहरुलाई पनि प्रमाणपत्र, झोला, छाता सहित सम्मान गरिएको थियो । बिमालेख तर्फ लक्ष्मी केसी, प्रेमा शाही, तेजप्रसाद पङ्गाली, नरबहादुर खड्का र मोहन पुनलाई सम्मान गरिएको कार्यालय प्रमुख पुन देवकोटाले जानकारी दिनुभयो ।  

त्यसैगरी क्लव तर्फ ५ जना, पदक तर्फ ८ जना, चिफ एजेन्सी म्यानेजर १ जना, बरिष्ठ एजेन्सी म्यानेजर १जना, एजेन्सी म्यानेजर ३८ जना  र एजेन्सी अफिसर  ५ जना गरी कुल जम्मा ५८ जना सम्मानित भएका थिए । प्रभु महालक्ष्मी लाईफ इन्स्योरेन्स लिमिटेड मुसिकोट कार्यालयका एजेन्सी म्यानेजर तेजप्रसाद पङ्गालीको अध्यक्षता भएको कार्यक्रममा कम्पनीका कर्णाली प्रदेश प्रमुख अखिल धमलाको प्रमुख आतिथ्यता रहेको थियो । त्यस्तै विशेष आतिथीमा पुर्व जिल्ला समन्वय समिति उप–प्रमुख एजेन्सी म्यानेजर इन्दिरा बिएनाथ रहनुभएकाे थियो ।

प्रभु महालक्ष्मी लाईफ इन्स्योरेन्स लिमिटेड मुसिकोटका कर्मचारी करण विकले स्वागत मन्तव्य राखेको कार्यक्रमको संचालन शाखा प्रमुख पुन देवकोटाले  गर्नुभएको थियो ।