रुकुम पश्चिममा डुबेर एक युवकको मृत्यु भएको छ । जिल्लाको मुसिकोट नगरपालिका वडा नम्बर ४ का १९ वर्षीय केदार शर्माको मुग्लुखाेलामा डुबेर बुधवार दिउँसो मृत्यु भएको हो ।

मुसिकोट नगरपालिका ४ कै मुग्लुखोलामा पौडी खेल्ने क्रममा शर्माको डुबेर मृत्यु भएको स्थानीय विमलकुमार शर्माले जानकारी दिनुभयो । कक्षा १२ मा अध्ययनरत शर्मा तिहार मनाउन घर आउनुभएको थियो । उहाँ एक्लो छोरा हुनुन्थ्यो ।