नाबालिकालाई भारत लिँदै गरेका मुसिकाेटका रोका पक्राउ
नाबालिकालाई भारत लिँदै गरेका रुकुम पश्चिमको मुसिकोट नगरपालिका एक युवकलाई प्रहरीले पक्राउ गरेको छ ।
नाबालिका बेचबिखन गर्न भारततर्फ लैजाँदै गरेको आशङ्कामा प्रहरीले कपिलवस्तुको कृष्णनगर सीमा नाकाबाट मुसिकोट नगरपालिका-१३ का २३ वर्षीय अर्जुन रोकालाई पक्राउ गरेको हो ।
प्रहरीका अनुसार उनले नेपालमै रोजगारीको प्रलोभन देखाउँदै एक नाबालिकालाई झुक्क्याएर भारत लैजाँदै गरेका अवस्थामा पक्राउ गरिएको हो ।
प्रहरी नायब उपरीक्षक रिपेन्द्रकुमार सिंहले रोकाले नाबालिकालाई बेचबिखन गरी आर्थिक लाभ लिने उद्देश्यले सीमा नाका कटाउने प्रयास गरेको जानकारी दिनुभयो ।
रोकालाई पक्राउ गरी आवश्यक अनुसन्धान अघि बढाइएको सिंहले बताउनुभयो ।
जिल्ला अदालतबाट पाँच दिनको म्याद थप गरेर घटनाबारे थप अनुसन्धान सुरु गरेको प्रहरीले जनाएको छ
प्रकाशित मिति: आइतबार, कात्तिक २३, २०८२ २०:४२
प्रतिक्रिया दिनुहोस्
-1759842583.jpg)
साताको लोकप्रीय
