रुकुम पश्चिमको चौरजहारी नगरपालिकामा आयोजित क्रिकेट प्रतियोगिताको आय व्यय सार्वजनिक गरिएको छ । चौरजहारी क्रिकेट विकास समिति र शीतल  चौरजहारी बि–६७ को संयुक्त आयोजनामा  मंसिर  १ गते देखि सञ्चालित चौरजहारी क्रिकेट कपको आय व्यय सार्वजनिक गरिएको हो । 

प्रतियोगिताका संयोजक इन्जिनियर होमराज शर्माका अनुसार   प्रतियोगिताको कुल आय दुई लाख ७ हजार ६ सय  ४१ रुपैयाँ रहेको छ । त्यस्तै प्रतियोगिताको कुल व्यय एक लाख ४२ हजार २ सय ९० रुपैयाँ रहेको छ । प्रतियोगिताबाट ६५ हजार ४ सय ७१ रुपैयाँ बचत भएको प्रतियोगिताका आर्थिक संयोजक  निर्जल केसीले जानकारी दिनुभयो । 

आय व्यय सार्वजनिक कार्यक्रममा रुकुम क्रिकेट टिमका कप्तान  तारा प्रसाद गिरी (विवश) लगायतको उपस्थिति रहेको थियो । मंसिर ४ गते सम्पन्न प्रतियोगिता जेवाइसी जाजरकोटले जितेको थियो भने टिम चौरजहारी उपविजेता बनेको थियो ।