रुकुम पश्चिमको मुसिकोट नगरपालिका वडा ९ कुप्रेकाेटमा आयोजित विविध खेलकुद तथा सांस्कृतिक कार्यक्रमको आयव्यय सार्वजनिक गरिएको छ । शुक्रवार एक कार्यक्रमका बिच मेलाको आयव्यय सार्वजनिक गरिएको हो । मेलाका लागि कुल २ लाख ८३ हजार ३ सय ११ रुपैयाँ सङ्कलन भएकामा १ लाख ७२ हजार २ सय ८० रुपैयाँ खर्च भएको आयोजक एकता समाज नेपाल मुसिकोट ९ का अध्यक्ष दुर्गाप्रसाद विकले जानकारी दिनुभयो ।

उहाँका अनुसार मेलाबाट १ लाख ११ हजार ३१ रुपैयाँ बचत भएको छ । मेलाको लागि देश तथा विदेशमा रहेका व्यक्तिहरूबाट नगद १ लाख ८२ हजार ७ सय ११ रुपैयाँ सहयोग उठेको थियो । त्यस्तै खेलकुद लगायत अन्य जिन्सी सामग्री बापत ३६ हजार रुपैयाँ सहयोग भएको थियो । विभिन्न व्यक्ति तथा संस्थाबाट उठाउनुपर्ने बाँकी ६४ हजार ६ सय रुपैयाँ रहेको छ ।  

खर्च तर्फ पुरस्कार वितरण तथा प्रमाणपत्र छपाइमा १ लाख ४८ हजार ९ सय ८०, खेलकुद तथा अन्य सामग्री खरिदमा २३ हजार ३ सय गरी कुल १ लाख ७२ हजार २ सय ८० रुपैयाँ खर्च भएको छ । सबै खर्च कटाएर उठाउन बाँकी रकम सहित १ लाख ११ हजार ३१ रुपैयाँ बचत भएको संस्थाका अध्यक्ष विकले जानकारी दिनुभयो । साथै  संस्थाले आयव्यय सार्वजनिक कार्यक्रमको अवसरमा ‘ समाज सन्देश’ नामक पुस्तक समेत विमोचन गरेको छ । मेला कात्तिक १३ गतेदेखि १७ गतेसम्म सञ्चालन भएको थियो ।