सामाजिक संस्था डार्क फोर्स सहरेले रुकुम पश्चिमको सानीभेरी गाउँपालिका–७ सहरेस्थित दुई आधारभूत विद्यालयका विद्यार्थीहरूलाई न्यानो कपडा वितरण गरेको छ । सानीभेरी ७ का वडा सदस्य जिते बुढा (प्रजित) को प्रमुख आतिथ्यता र डार्क फोर्स सहरेका सदस्यहरूको उपस्थितिमा न्यानो कपडा वितरण गरिएको हो । 

चिसो मौसममा विद्यार्थीहरूलाई पठन–पाठनमा सहजता होस् भन्ने उद्देश्यले संस्थाले चन्द्रोदय आधारभूत विद्यालय र जनचाहना आधारभूत विद्यालयका कक्षा १ देखि ५ सम्मका विद्यार्थीहरूलाई न्यानो कपडा वितरण गरेको हो । त्यस्तै जनचाहना आधारभूत विद्यालयका कक्षा ६, ७, ८ का विद्यार्थीहरूलाई २÷२ वटा कापी र एक÷एक वटा कलम पनि वितरण गरिएको छ ।

कार्यक्रममा संस्थाका संस्थापक अध्यक्ष भुपाल रावत, उपाध्यक्ष विवेक रावत, सचिव विनोद बुढाथोकी, सदस्यहरू दिनेश बिसी, मनोज बुढाथोकी, भुवन रावत, वसन्त रोकाय, गोपाल बोहरा लगायत अन्य सक्रिय सदस्यहरूको उल्लेखनीय उपस्थिति थियो ।

दुवै स्कुलका प्रधानाध्यापकले स्कुलका भावी योजनाहरूको बारेमा जानकारी गराउँदै डार्क फोर्स सहरेको काम उत्कृष्ट रहेको र आगामी दिनमा पनि यस्तै सहयोगको अपेक्षा गरेका छन् । 

सामाजिक उत्तरदायित्व अन्तर्गत सञ्चालन गरिएको यस अभियानले विद्यार्थीहरूमा खुसी र उत्साह थपेको विद्यालयहरूको भनाई छ । संस्थाका पदाधिकारीहरूले यस्ता सहयोगी कार्यक्रमहरू भविष्यमा पनि निरन्तर सञ्चालन गर्ने प्रतिबद्धता व्यक्त गरेका छन् ।।