रुकुम पूर्वको भूमे गाउँपालिकामा आइतबार आज बिहान ब्रोइलर कुखुरा बोकेको जिप दुर्घटनामा परेको छ। सल्यानबाट रुकुम पूर्वको खाबाङ बगरतर्फ जाँदै गरेको लु ३ च ७०३६ नम्बरको जिप भूमे–४ स्थित धौलापहिरामा दुर्घटना भएको हो । ​ इलाका प्रहरी कार्यालय काँक्रीका प्रहरी निरीक्षक हिमराज विकका अनुसार जिप सडकबाट करिब २० मिटर तल खसेको छ ।

सडकमा जमेको तुसारोका कारण टायर चिप्लिएर दुर्घटना भएको प्रारम्भिक अनुमान गरिएको छ। दुर्घटना ग्रस्त जिप सडकमा रहेको कारण पन्छाउने कार्य भइरहेको विकले जानकारी दिनुभयो । दुर्घटनामा २ कुखुरा मरेको तर मानवीय क्षति भने नभएको प्रहरीले जनाएको छ ।