सशस्त्र प्रहरी बल ४७ नम्बर गुल्म रुकुम पश्चिमले निर्वाचन सुरक्षालाई लक्षित गरेर जिल्लामा सुरक्षा तैनाथी सुरु गरेको छ ।

निर्वाचनलाई लक्षित गरेर सबै पालिकामा सशस्त्र प्रहरी परिचालन गर्ने र सोही अनुसार सानीभेरी गाउँपालिकाको सिमालीमा सुरक्षा वेश राखिएको सशस्त्र प्रहरी बल ४७ नम्बर गुल्मले जनाएको छ ।

उक्त ठाउँमा २४ जनाको टोली परिचालन भएको छ । सहायक प्रहरी नायव उपरीक्षक उत्तम बस्नेतको नेतृत्वमा २४ जनाको टोली परिचालन गरिएको सशस्त्र प्रहरी नायब निरीक्षक मधुबाबु गौतमले जानकारी दिनुभयो ।

उक्त वेशमा ३५ जनाको टोली रहने र तालिम पश्चात् ११ जना निर्वाचन प्रहरी परिचालन गरिने उहाँले बताउनुभयो ।