रुकुम पश्चिमको मुसिकोट नगरपालिका वडा नम्बर  १३ छिवाङ चौतारा स्थित सानीभेरी नदी किनारामा एक महिलाको शव फेला परेको छ । आज दिउँसो नदीमा डुवेको अवस्थामा महिलाको शव फेला परेको हो । स्थानीयले नदीमा महिलाको शव देखिपछि प्रहरीलाई खवर गरेर गरेका थिए । खवर पाए लगतै जिल्ला प्रहरी कार्यालयबाट प्रहरी टोली घटनास्थल पुगेको र शवको पहिचान भने हुन नसकेको जिल्ला प्रहरी कार्यालय रुकुम पश्चिमका सूचना अधिकारी प्रहरी हरिप्रसाद पुनले जानकारी दिनुभयो ।

उहाँका अनुसार प्रहरीले शवको बारेमा स्थानीयसँग सोधिखोजी गरिररहेको छ । गत फागुन २५ गते सानीभेरी नदिमा बेपत्ता भएकी बाँफिकोट गाउँपालिका ३ भाग्लेकी १३ वर्षिया सपना ओली पनि बेपत्ता छिन् । स्थानीयले सपनाको शव हुन सक्ने आशंका गरेपनि शवको पहिचान भएपछि पात्र पुष्टी हुने जिल्ला प्रहरी कार्यालयय रुकुम पश्चिमले जनाएको छ ।