रुकुम पश्चिमको मुसिकोट नगरपालिकामा अटो चालक माथि नगरप्रहरी द्धारा हातपात भएको भन्दै अटो व्यवसायिहरु आन्दोलित भएका छन् । अटो व्यवसायिलाई नगर प्रहरीले चेकचाँचको नाममा हातपात गरेको भन्दै आन्दोलनमा उत्रिएका हुन् । अटो व्यवसायिहरुले आज विहानै देखि मुसिकोट नगरपालिका घेराउ, सडक अवरोध, लगायत नाराबाजि गर्दै सडकमा उत्रिएका थिए ।

अटो व्यवसायिहरुले नगर प्रहरीले हातपात गरेको भन्दै आन्दोलनमा उत्रिएको र थप घटनाको वास्तविकता बुझ्न दुवै पक्षलाई जिल्ला प्रहरी कार्यालयमा बोलाएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरिप्रसाद पुनले जानकारी दिनुभयो । छलफल पछि वास्तविकता पत्ता लाग्ने त्यसपछि थप अनुसन्धाान हुने उहाँको भनाई छ । अहिले दुवै पक्षलाई जिल्ला प्रहरी कार्यालय बोलाएको छ । विहानै देखि अटो व्यवसायि आन्दोलित हुँदा सडक समेत अवरोध भएको थियो । अहिले भने सडक सूचारु भइसकेको छ ।