आठबीसकोट १ मा गठबन्धन विरुद्ध माओवादी केन्द्रको प्यानलै विजयी

स्थानीय तह निर्वाचन २०७९

Home
स्थानीय तह निर्वाचन २०७९
आठबीसकोट १ मा गठबन्धन विरुद्ध माओवादी केन्द्रको प्यानलै विजयी

नवनिर्वाचित वडाध्यक्ष घर्ती ।

रुकुम पश्चिमको आठबीसकोट नगरपालिका वडा नम्बर १ मा कांग्रेस–एमाले गठबन्धनका उम्मेदवारलाई पराजित गर्दै नेकपा माओवादी केन्द्रका उम्मेदवार विजयी भएका छन् । माओवादी केन्द्रका देवबहादुर घर्ती कांग्रेस–एमाले गठबन्धनका लालबहादुर बुढालाई पराजित गर्दै विजयी हुनुभयो । घर्तीले ३ सय ३० मत प्राप्त गर्नुभयो भने प्रतिद्धन्दि बुढाले २ सय ५१ मत पाउनुभयो । यस वडामा नेकपा माओवादीको प्यानल नै विजयी भएको हो ।

नगर प्रमुख र उप प्रमुखमा पनि माओवादीले अग्रता लिएको छ । १ नम्बर वडाको मतगणना सकिदासम्म प्रमुखमा रवि केसी ३ सय ७ मत सहित अगाडी हुनुहुन्छ । उहाँका प्रतिद्धन्दि कांग्रेस–एमाले गठबन्धनका तर्फबाट कांग्रेसका धिरेन्द्रकुमार बटालाले २ सय ३७ मत ल्याउनुभएको छ । उप प्रमुखमा माओवादी केन्द्रकी धनकुमारी शाहीले ३ सय २१ मत पाउँदा कांग्रेस–एमाले गठबन्धनका तर्फबाट एमालेका दिनेश चन्दले २ सय ५६ मत ल्याएका छन् ।

आठबीसकोटमा नेकपा माओवादीका विरुद्ध नेपाली कांगेस र नेकपा एमालेले गठबन्धन गरेका छन् भने नेकपा एकीकृत समाजवादीले पनि गठबन्धनलाई सघाएको छ ।

प्रकाशित मिति: शनिबार, वैशाख ३१, २०७९ २३:२०