Top Navigation
शुक्रबार, असोज १२, २०८० ०७:३५:५७
Main Navigation
  • गृहपृष्ठ
  • राजनीति
  • समाज
  • स्थानीय सरकार
  • वडा
  • खेलकुद
  • मनाेरन्जन
  • अन्य
    • व्यक्ति/व्यक्तित्व
    • विचार/व्लक
शुक्रबार, असोज १२, २०८० ०७:३५:५७
Kakhara सबैको खबर सम्पूर्ण खबर | News Portal from Rukum, Nepal
  • गृहपृष्ठ
  • राजनीति
  • समाज
  • स्थानीय सरकार
  • वडा
  • खेलकुद
  • मनाेरन्जन
  • अन्य
    • व्यक्ति/व्यक्तित्व
    • विचार/व्लक
  • ट्रेण्डिङ
  • #स्यार्पू महाेत्सव
  • #मुख्यमन्त्री
  • #कर्णाली प्रदेश
  • #तयारी पुरा
  • #राजकुमार मगर
  • #दार्मा गाउँपालिका
  • #अवैध संरचना हटाउन निर्देशन
Search Here
विचार/व्लक
  • Home
  • विचार/व्लक
  • के आँखा सुख्खा हुने समस्या छ ? सावधान !
के आँखा सुख्खा हुने समस्या छ ? सावधान ! सुख्खा आँखाबाट जोगिने उपायहरु के छन् ?
मन्दिप गाैतम
मन्दिप गाैतम बिहीबार, वैशाख ७, २०८०
सिस्ने गाउँपालिका सिस्ने गाउँपालिका

विश्वब्यापी रुपमा आँखा सुख्खा हुने समस्या आम रुपमा बढ्दै गइरहेको छ। यसरी आँखा सुख्खा हुने समस्यालाई 'ड्राई आई सिन्ड्रोम' भनिन्छ । खासगरि वायु प्रदूषण, आधुनिक उपकरणको वढ्दो प्रयोग (जस्तै:कम्प्युटर, ल्यापटप, मोवाइलको स्क्रिन, तातो (सुख्खा) हावा, आँशुको उत्पादनमा कमि हुनु, विभिन्न विकिरणहरु, आँखामा हुने संक्रममण आदि आँखा सुख्खा हुने मुख्य कारण हुन।

समग्रमा हाम्रो आँखामा आँशुको तीन तह हुन्छ, क्रमश: वाहिरबाट भित्र, चिल्लो तह (लिपिड तह), पानी तह (एक्वस तह) र पातलो झिल्लि तह (म्युकस तह) जुन सुक्ष्म रुपमा आँखाको कर्निया तथा कग्ङजक्टिभा अगाडि म्युकस तहको सहायताले टाँस्सिएर बसेको हुन्छ । जुनसुकै कारणबाट यि तीन तहको सन्तुलन खराब हुन गएमा आँखा सुख्खा हुने समस्या देखिन्छ। यो एक अर्थमा आँखाको नसर्ने भयावह रोग हो ।

आँखा सुख्खा छ ? कसरी थाहा पाउने (लक्षण)

  • दिउसो पख आँखा रातो हुनु
  • चहकिलो घाममा हेर्न नसक्नु
  • आँखा चिलाउनु
  • आँखा पिरो हुनु वा पोले जस्तो हुनु
  • आँखामा केही विझे जस्तो हुनु
  • विना कारण आँखावाट पानी बग्नु
  • आँखामा थकान महसुस हुनु
  • आँखा चिम्लिरहन मन पर्ने
  • चिप्प्रा लाग्ने र च्यापच्याप हुने
  • प्याज काट्दा आसु नवग्ने

फरक व्यक्तिमा भिन्न-भिन्न लक्षण देखिन सक्छ।

किन आँखा सुख्खा हुन्छ त ? कारण !

  • वढ्दो उमेर संगै आँशुको उत्पादनमा कमि आउने गर्छ । विषेशत ५० वर्ष माथि उमेरका मानिसमा आँशु उत्पादनमा कमि हुने गर्छ र आँखा सुख्खा हुने गर्छ ।
  • महिलाहरुमा महिनावारी रोकिएसंगै आउने हर्मोनल गडवडिका कारण पनि आँखा सुख्खा हुने समस्या देखिन्छ ।
  • भिटामिन 'ए' को कमि, वाथ रोग, मधुमेह, थाइराइड, उच्च रक्तचाप जस्ता शारीरिक समस्याका मारण पनि आँखा सुख्खा हुन्छ ।
  • पर्याप्त पोषणको कमि तथा धुम्रपान सेवनले गर्दा पनि आँखा सुख्खा हुन सक्छ ।
  • आँशु ग्रन्थिमा क्षति भएमा र लामो समयसम्म आँखामा विभिन्न औषधिको प्रयोगले आँखा सुख्खा हुने समस्या देखिन सक्छ ।
  • परेलिमा हुने ग्रन्थिको समस्या, परेलिमा चाया पर्ने समस्या, तल्लो परेलि वाहिर फर्कने समस्या, गाजल तथा सौन्दर्य सामग्रीको अत्याधिक प्रयोगले पनि आँखा सुख्खा हुने समस्या देखिन्छ ।
  • तातो तथा तिव्र हावा बग्ने ठाउँमा बस्दा पनि आँखा सुख्खा हुन सक्छ।
  • लामो समयसम्म किताव पढ्ने, कम्प्युटर, ल्यापटप, मोवाइल आँखा नझिम्काई लामो समयसम्म एकनाशले हेर्नाले पनि आँखा सुख्खा हुनसक्छ ।
  • रात्रिको समयमा काम गर्दा पर्याप्त निन्द्राको अभावको कारणले पनि आँखा सुख्खा हुन सक्छ ।
  • लामो समयसम्म कन्ट्याक लेन्सको प्रयोगले पनि आँखा सुख्खा हुने समस्या हुन सक्छ ।
  • साथै वातावरणीय प्रदुषण, विकिरण तथा तापक्रम वृद्धिले पनि आँखा सुख्खा हुने समस्या हुन सक्छ ।

सुख्खा आँखाबाट जोगिने उपायहरु (रोकथाम तथा उपचार)

  • सर्वप्रथम माथि उल्लेखित जोखिमका कारणहरुबाट सावधानी अपनाउनु नै उत्तम हुन्छ ।
  • सकभर डिजिटल स्क्रिन जस्तै: मोवाइल, कम्प्युटर, ल्यापटपको लतवाट टाढा रहने।
  • यदि आफ्नो पेशा कम्प्युटरसँग सम्वन्धित हो भने कम्प्युटरको बसाइलाई व्यवस्थापन गर्नु नै सबै भन्दा ठुलो रोकथामको उपाय हुन्छ । जस्तै: कामको विचविचमा आराम गर्ने, हिड्डुल गर्ने, आँखाको चिम्लने र खोल्ने गतिलाई नियमित र स्वाभाविक राख्ने, पानी  तथा रसजन्यफलफूलको उपभोग गर्ने ।
  • यदि कम्प्युटरमा लगातार काम गर्ने नै हो भने २०-२०-२० नियम लागु गर्ने, जस्को अर्थ; कम्प्युटरमा काम गर्दा  २० मिनेटको समयअवधिमा २० सेकेन्डको आराम लिई २० फिट टाढाको बस्तु हेर्ने/चियाउने र सकभर वुलुकट लेन्स वा एण्टिग्लेयर लेन्स चस्माको रुपमा प्रयाेग गर्ने ।
  • आँखामा अत्यन्त धेरै जलन भएमा सफा सुतिको कपडालाई चिसो पानीमा भिजाई आँखा छोप्ने ।
  • धुम्रपान त्याग्ने, तातो विषाक्त तथा प्रदुषित हावाबाट टाढा रहने ।
  • चर्को घाम तथा धुँवाबाट बच्न सनग्लासको (कालो चस्माको) प्रयोग गर्ने ।
  • कृतिम आँशुको प्रयोगले सुख्खा आँखा हुनवाट केहि हदसम्म कम गर्छ ।
  • नियमित रुपमा आँखा जाँच गराउने र चिकित्सकको सल्लाह अनुसार उपचार विधिहरु अपनाउने ।

आँखा चिलाउदा, पिरो हुँदा, रातो हुँदा, केहि बिझाए जस्तो हुँदा आँफु खुसी औषधि र घरेलु उपाएको प्रयोग नगरौ र नगराउँ । के थाहा हजुर पनि सुख्खा आँखा ('ड्राई आई सिन्ड्रोम') बाट ग्रसित हुनुहुन्छ कि, एक पटक अवस्य चिकित्सकको सल्लाह लिनुहोला । आँफु सुरक्षित रहौं र अरुलाई पनि सुरक्षित राखौँ, साथै दृष्टिविहिन हुन बाट बचौँ र बचाउँ ।

हजुरको दृष्टि, हाम्रो प्रतिवद्धता !

मन्दिप गौतम
दृष्टि विशेषज्ञ (Optometrist)
आँखा स्वास्थ्य सेवा तथा चस्मा घर
(आँखा उपचार केन्द्र)
मुसिकोट नगरपालिका, १ - खलंगा रुकुम (पश्चिम)


प्रकाशित मिति: बिहीबार, वैशाख ७, २०८०  ०९:२८
कृषि कृषि
#विचार #स्वास्थ्य सल्लाह #आँखा #आँखा स्वास्थ्य #मन्दिप गाैतम
प्रतिक्रिया दिनुहोस्
लोकप्रिय
  • Week
  • Month
अमेरिकामा भएको इन्ट्राकप भलिबलमा टीम रूकुम प्रथम
अमेरिकामा भएको इन्ट्राकप भलिबलमा टीम रूकुम प्रथम
अवैध भरुवा बन्दुकसहित एक जना पक्राउ
अवैध भरुवा बन्दुकसहित एक जना पक्राउ
इन्ट्रा कपमा टिम रुकुमका ४ खेलाडी उत्कृष्ट
इन्ट्रा कपमा टिम रुकुमका ४ खेलाडी उत्कृष्ट
पुमा खोलामा बेपत्ता गिरीको शव फेला
पुमा खोलामा बेपत्ता गिरीको शव फेला
स्यार्पू महोत्सवको तयारी पुरा, भोली कर्णालीका मुख्यमन्त्रीले उद्घाटन गर्ने 
स्यार्पू महोत्सवको तयारी पुरा, भोली कर्णालीका मुख्यमन्त्रीले उद्घाटन गर्ने 
स्यार्पू महोत्सव सुरु (फाेटाे सहित)
स्यार्पू महोत्सव सुरु (फाेटाे सहित)
प्रकाश रन्काको कान्छी फिलिली (भिडिओ सहित)
प्रकाश रन्काको कान्छी फिलिली (भिडिओ सहित)
स्यार्पू ताललाई आय आर्जनसँग जोड्नुपर्छ: मुख्यमन्त्री शर्मा 
स्यार्पू ताललाई आय आर्जनसँग जोड्नुपर्छ: मुख्यमन्त्री शर्मा 
उत्कृष्ट भिडिओ इडिटर अवार्ड राजकुमारलाई 
उत्कृष्ट भिडिओ इडिटर अवार्ड राजकुमारलाई 
विकासलाई छिटोछरितो र प्रभावकारी बनाउन सबै एकताबद्ध भएर लाग्नुहाेस्ः मुख्यमन्त्री शर्मा
विकासलाई छिटोछरितो र प्रभावकारी बनाउन सबै एकताबद्ध भएर लाग्नुहाेस्ः मुख्यमन्त्री शर्मा
यो पनि
युनिकोडमा परिवर्तन गर्नुहोस्
आजको विनिमयदर
सुन-चाँदि
सेयर बजार

सूचना विभाग दर्ता नं. २१५९/२०७७-०७८
Email: [email protected]
Phone: ९८२२९८२३४५ र ९८२२८८८२०६
अध्यक्ष: धनबहादुर खड्का
सम्पादक: मनिष खड्का
  • कखरा बारे
  • Kakhara सबैको खबर सम्पूर्ण खबर | News Portal from Rukum, Nepal
    • स्थानीय तह निर्वाचन २०७९
    © Kakhara सबैको खबर सम्पूर्ण खबर | News Portal from Rukum, Nepal - 2023 All rights reserved. Site by: SoftNEP

    SoftNEP News Alert

    अख्तियार स्वतन्त्र निकाय भएकाले वाइडबडि छानबिनमा अहिलेसम्‍म कुनै किसिमको राजनीतिक दबाब आएको छैन।स्वतन्त्र ढंगले काम गरिरहेका छौ।
    सदस्यता लिनुहोस्