रुकुम पश्चिमको मुसिकोट नगरपालिकामा द लिजेन्ड कप फुटबल प्रतियोगिता हुने भएको छ । विजया दशमी तथा शुभ दीपावलीको अवसरमा खलङ्गा ब्वाइजले रुकुम बक्सिङ क्लबको सहयोगमा एभेन ए साइड फुटबल प्रतियोगिता आयोजना गरेको हो ।
प्रतियोगिताको विजेताले १ लाख ११ हजार १ सय ११ रुपैयाँ नगद पुरस्कार पाउने बताइएको छ । त्यस्तै उप विजेताले ५५ हजार ५ सय ५५ रुपैयाँ पुरस्कार पाउने आयोजकले जनाएको छ । वेस्ट प्लेयरले ५ हजार पाउँदा फेयर प्ले अवार्डको पुरस्कार ५ हजार तोकिएको छ ।
त्यस्तै टप स्कोरर, वेस्ट गोल किपर, इमर्जिङ प्लेयर र वेस्ट डिफेन्डरले समान ३/३ हजार पुरस्कार पाउने छन् । प्रतियोगितामा सहभागिताका लागि ६ हजार दर्ता शुल्क र कार्डको १ हजार जम्मा गर्नुपर्ने बताइएको छ ।
प्रतियोगितामा एउटा टिमबाट ७ जनाले खेल्ने छन् । प्रतियोगितामा सहभागिताका लागि असोज ६ गते बिहान १० बजेसम्म टिम दर्ता गर्न सकिने छ । प्रतियोगिता असोज ६ गतेबाट खलङ्गाको बराहटाकुरामा सञ्चालन हुने छ ।
विभिन्न व्यक्तिहरूसँग सहयोग जुटाएर प्रतियोगिता आयोजना गरिएको आयोजकले जनाएको छ ।
