सम्माननीय पूर्वप्रधानमन्त्री पुष्पकमल दाहाल 'प्रचण्ड' सहित  सात जना पूर्व मन्त्री सहितकाे टोलीले रूकुम पश्चिमकाे चौरजहारी नगरपालिका कार्यालयको अवलोकन गरेकाे छ । जनतासँग माओवादी मध्यपहाडी लाेकमार्ग जनजागरण अभियान अन्तर्गत पुगेकाे टाेलीले अनुगमन गरेकाे हाे । अवलोकनका क्रममा चौरजहारी नगरपालिकाले सञ्चालन गरेका  असल अभ्यासहरूको प्रस्तुतिकरण गरिएको थियाे ।  

कार्यक्रममा चौरजहारी नगरपालिका प्रमुख पुष्प वादीले पूर्व प्रधानमन्त्रीलाई असल अभ्याससहित विकाससँग सम्बन्धित माग समेटिएकाे ज्ञापनपत्र बुझाउनु भएको छ ।

मध्यपहाडीको जाजरकोट कुदु र चौरजहारी जोड्ने भेरी पुल, भूकम्पपछिको पुनर्निर्माण कार्यको तीव्रता, स्वास्थ्य बिमा कार्यक्रमको प्रथम सेवा विन्दुका रुपमा रहेको HDCS चौरजहारी अस्पताल र सहिदस्मृति नगर अस्पतालको बिमा रकम भुक्तानी, कर्णाली प्रदेश प्रहरी तालिम केन्द्र, कर्णाली प्रदेशस्तरीय फुटबल रङ्गशाला, चौरजहारी बिमानस्थल सञ्चालन, अन्तरपालिका र जिल्ला जोड्ने सडक कालोपत्रे, मेडिकल कलेज स्थापना, नयाँ सहर आयोजना क्षेत्रमा जग्गा एकीकरण र पूर्वाधार निर्माणका लागि पर्याप्त बजेटको व्यवस्थाका विषय ज्ञापनपत्रमा उल्लेख गरिएको छ ।

पूर्व प्रधानमन्त्री प्रचण्डले चौरजहारी नगरपालिकाले सञ्चालन गरेका असल अभ्यासहरूको प्रशंसा गर्दै थप रचनात्मक कार्य गर्न सुझाव दिनुभयो । उहाँले  ज्ञापनपत्रमा समेटिएका विषयहरू सम्बोधनका लागि प्राथमिकतामा राखेर अधिकतम पहल गर्ने बताउनुभयो ।