रुकुम पश्चिमको चौरजहारी नगरपालिकामा संचालित नवौँ नगर प्रमुख कप तथा राष्ट्रपति रनिङ शिल्ड सम्पन्न भएको छ । विहिबारबाट सुरु भएको शिल्ड शनिबार सम्पन्न भएको हो हो । शिल्डमा १० वटा विद्यालयलाई पछि पार्दै शितलमा मावि चौरजहारी प्रथम भएको छ । उसले १० स्वर्ण, ७ रजत र ४ कास्यसहित २१ पदक जितेको छ ।

त्यस्तै दोस्रो भएको हिमालय मावि खोलागाँउले ९ स्वर्ण, ४ रजत र ४ कास्य पदक गरी १७ पदक प्राप्त गर्दा तेस्रो भएको माध्यामिक विद्यालय खहरेले ५ स्वर्ण, ५ रजत र ८ कास्य गरी १८ पदक प्राप्त गरेको चौरजहारी नगरपालिका शिक्षा, युवा तथा खेलकुद शाखाले जनाएको छ । शिल्डमा माध्यामिक तथा आधारभूत तहका १० वटा विद्यालय र १ संस्थागत गरी ११  वटा विद्यालयमा अध्यनरत विद्यार्थीेले सहभागिता जनाएका थिए । शिल्डमा विभिन्न ३० विधामा खेलकुद प्रतियोगिताहरु भएका थिए ।

शिल्ड सफल बनाउन सहयोग गर्ने विद्यार्थी, शिक्षक, अभिभावक, रेफ्री, स्वयंसेवक, सुरक्षाकर्मी, प्राविधिक, पत्रकार र खेलप्रेमी सम्पूर्णमा चौरजहारी नगरपालिकाले धन्यवाद ज्ञापन गरेको छ । ६ स्थानीय तहमध्ये सानीभेरी गाउँपालिकाले शिल्ड सम्पन्न गरिसकेको छ । भने मुसिकोट नगरपालिकामा शिल्ड जारी छ । अन्य स्थानीय तह त्रिवेणी तथा बाँफिकोट गाउँपालिका र आठविसकोट नगरपालिका शिल्ड हुन बाँकी छ ।