नेकपा माओवादी केन्द्र निकट विद्यार्थी संगठन अखिल क्रान्तिकारी रुकुम पश्चिमले १६ औं गणतन्त्र दिवसको अवसरमा बिरामीलाई फलफुल वितरण गरेको छ । अखिल क्रान्तिकारीले आज जिल्ला अस्पताल सल्ले पुगेर उपचाररत २५ जना विरामीलाई फलफुल वितरण गरेको हो ।
अखिल क्रान्तिकारी जिल्ला समितिको समुहले अस्पतालमै पुगेर बिरामीहरुलाई फलफूल वितरण गरेको अखिल क्रान्तिकारीका जिल्ला अध्यक्ष नारायण केसीले जानकारी दिनुभयो ।
उहाँ अनुसार प्रत्येक बिरामिलाई केरा, अङ्गुर, स्याउ, अनार वितरण गरिएको हो । उपचाररत बिरामीलाई स्वास्थ्य लाभको कामना समेत गरिएको अध्यक्ष केसीले बताउनुभयाे ।
फलफूल वितरण कार्यक्रममा संगठनका प्रदेश कार्यवाहक अध्यक्ष तुलबहादुर देवकोटा, जिल्ला अध्यक्ष नारायण केसि, उपाध्यक्ष विशाल बिस्ट, मुसिकोट नगर अध्यक्ष दुर्गाबहादुर विश्वकर्मा, सचिव अन्जना खत्री, सहसचिव दिपक डाँगी, जिल्ला सदस्य बिनोद सेर्पाली लगाएतको उपस्थित रहेको थियो ।
त्यस्तै संगठनले दिवसकाे अवसरमा दिप प्रज्वलन पनि गरेकाे छ । दिवसको अवसरमा मुसीकोट १ कालिका थानमा दिप प्रज्वल गरिएको अध्यक्ष केसीले बताउनुभयाे ।
1696245848.jpg)
