रुकुम पश्चिमको आठबीसकोट नगरपालिकामा ट्याक्टर दुर्घटना हुँदा १ जनाको मृत्यु भएको छ । विहीबार राति १ बजे ७ नम्बर वडाको औलमा रा १ त ४४१२ नम्बरको ट्याक्टर पल्टदा चालक २५ वर्षीय करण नेपालीको मृत्यु भएको छ भने चालक विककी श्रीमती १९ वर्षीया सपना घाइते भएकी छिन् । उनको आठबीसकोट नगर अस्पतालमा उपचार भइरहेको छ । ट्याक्टर दाँजेबाट राडी तर्फ आउने क्रममा सडकमै पल्टिएको जिल्ला प्रहरी कार्यालयका प्रहरी निरीक्षक डेकेन्द्र शर्माले जानकारी दिनुभयो ।