नेकपा माओवादी केन्द्रको तीन महिने अभियान अन्तर्गत रुकुम पश्चिमको चौरजहारी नगरपालिका वडा नम्बर २ मा वाइसीयलको भेलाले यादव विकको अध्यक्षतामा १८ सदस्यीय वडा कमिटी गठन गरेको छ । जसको उपाध्यक्षमा दिपेन्द्र विक र सचिवमा विवश शर्मा चयन हुनुभएको छ । 

त्यस्तै भेलाले भदौ ३० गते रङ्गशालामा सरसफाइ गर्ने र व्यापकरुपमा सदस्यता वितरण गर्ने निर्णय गरेको छ । त्यस्तै असोज ९ गते हुने नगर सम्मेलनको लागि प्रतिनिधि पनि छनोट गरेको छ । भेलामा नेकपा माओवादी केन्द्रका प्रदेश कमिटी सदस्य वीरबहादुर राना लगायतका नेताहरुको सहभागिता रहेको थियो ।