नेकपा माओवादीको सहायक संगठन वाइसीयल नेपाल चौरजहारीले चौरजहारीका २ वडामा सरसफाइ गरेको छ । आज वाइसीयलको आयोजनामा वडा नम्बर २ र ८ मा सरसफाइ गरिएको वाइसीयल चौरजहारीका इन्चार्ज एल.बि कटुवालले जानकारी दिनुभयो ।

आज पूर्व घोषित कार्यक्रम अनुसार वडा नम्बर २ को रङ्गशाला तथा बजार क्षेत्रमा सरसफाइ गर्नुका साथै जथाभाबी फोहोर नफाल्न बजारवासीलाई सचेत बनाइएको उहाँको भनाई छ । त्यस्तै वडा नम्बर ८ मा बडाखोला मन्दिर सरसफाइ गरिएको छ । अभियानमा विभिन्न व्यक्तिहरू जोडिएको वाइसीयल चौरजहारीले जनाएको छ । 

नेकपा माओवादी केन्द्रको तीन महिने विशेष अभियान अन्तर्गत वाइसीयल चौरजहारीले पनि अभियानको घोषणा गरेको छ । पार्टीको अभियानलाई सहयोग पुग्ने गरी वाइसीयलले जनतासँग जोडिएका विभिन्न कामहरू गरिरहेको छ ।