रुकुम पश्चिमको बाँफिकोट गाउँपालिका वडा नम्बर १ मा परम्परागत रुपमा लाग्दै आएको मेलचौर मेलाको अवसरमा आयोजित पुरुष ब्याडमिन्टन प्रतियोगितामा नबराज खड्का र सुदिप थापाको जोडी पहिलो भएको छ । आज भएको फाइनलमा महेन्द्र पुन र गिरीभान पुनको जोडीलाई पराजित गर्दै नबराज र सुदिपको जोडी पहिलो भएको हो ।

महेन्द्र र गिरीभानको जोडी दोस्रो हुँदा बिष्णु मल्ल र ओमप्रकाश पुनको जोडी तेस्रो भएको । प्रतियोगिताको विजेता जोडीले १० हजार र उप विजेता जोडीले ७ हजार पुरस्कार पाउँदा तेस्रो हुने जोडीले ५ हजार, मेडल र प्रमाण–पत्रमा चित्त बुझाएको युवा तथा खेलकुद विकास समिति अध्यक्ष जयबहादुर मल्लले जानकारी दिनुभयो ।