चाैरजहारी नगरपालिकाले दियाे जनयुद्ध दिवसमा सार्वजनिक बिदा

स्थानीय सरकार

Home
स्थानीय सरकार
चाैरजहारी नगरपालिकाले दियाे जनयुद्ध दिवसमा सार्वजनिक बिदा

चाैरजहारी नगरपालिकाले दियाे जनयुद्ध दिवसमा सार्वजनिक बिदा

कखरा संवाददाता मंगलबार, माघ १०, २०७९

रुकुम पश्चिमको चौरजहारी नगरपालिकाले फागुन १ गते सार्वजनिक बिदा दिने निर्णय गरेको छ । १६ औं नगरसभाले फागुन १ जनयुद्ध दिवसको अवसरमा सार्वजनिक बिदा दिने निर्णय गरेको हो । ऐतिहासिक महान जनयुद्ध सुरु भएको दिनको अवसरमा २०७९ फागुन १ गते चौरजहारी नगरपालिकाभर उल्लासपूर्ण वातावरणमा मनाउन सार्वजनिक बिदा दिने निर्णय सभाले गरेको हो, नगरपालिकाले भनेकाे छ ।

तत्कालिन माओवादीले २०५२ साल फागुन १ गतेदेखि जनयुद्ध सुरुवात गरेको थियो । यसैदिनको सम्झनामा हरेक वर्षको फागुन १ गतेलाई जनयुद्ध दिवसका रुपमा मनाइदै आएको छ । रुकुम पश्चिमका स्थानीय तहहरुले यो दिवसका अवसरमा विभिन्न कार्यक्रम आयोजना गर्ने गरेका छन् भने सार्वजनिक विदा समेत दिदै आएका छन् । यो वर्ष अहिलेसम्म चौरजहारी नगरपालिकाले मात्र बिदाको निर्णय गरेको छ ।

प्रकाशित मिति: मंगलबार, माघ १०, २०७९ १०:२३

प्रतिक्रिया दिनुहोस्