अखिल क्रान्तिकारीका तर्फबाट कर्णाली प्रदेशका १० वटै जिल्लाका विभिन्न क्याम्पसहरुमा स्ववियु अध्यक्ष सहित विभिन्न पदमा जित हाँसिल गरेका सम्पूर्ण विद्यार्थीलाई रुकुम पश्चिममा बधाई ज्ञापन तथा सम्मान गरिएको छ । चौरजहारी नगरपालिकाको सभाहलमा एक कार्यक्रमका विच निर्वाचित पदाधिकारीलाई सम्मान गरिएको हो । 

सबैलाई प्रमाण–पत्रले सम्मान गरिएको बताइएको छ । अखिल क्रान्तिकारी कर्णाली प्रदेशको आयोजना तथा रुकुम पश्चिमको व्यवस्थापनमा नव निर्वाचित विद्यार्थीहरुलाई बधाई तथा सम्मान कार्यक्रमको आयोजना गरिएको शितल क्याम्पस चौरजहारीका स्ववियु अध्यक्ष निराजन केसीले जानकारी दिनुभयो । 

उहाँका अनुसार नवनिर्वाचित अध्यक्षहरुले आफ्नो क्याम्पसको अवस्था के कस्तो छ ? भन्ने बारेमा रिपोर्टिङ समेत गरेका थिए ।  कार्यक्रममा नेकपा माओवादी केन्द्रका कर्णाली प्रदेश इन्चार्ज कालीबहादुर मल्ल र माओवादी केन्द्रका नेता विशाल शर्माले नव निर्वाचित स्ववियु पदाधिकारीहरुलाई बधाई दिँदै प्रशिक्षणमूलक मन्तव्य राख्नुभएको थियो । 

अखिल क्रान्तिकारी कर्णाली प्रदेश समिति अध्यक्ष तिर्सना हमालको अध्यक्षतामा भएको कार्यक्रममा अखिल कान्तिकारीका केन्द्रिय उपाध्यक्ष अमरजङको प्रमुख आतिथ्यता र केन्द्रिय महासचिव दिपेश पुनको विशेष आतिथ्यता रहेका थियो । त्यस्तै पार्टीका केन्द्रिय सदस्य पुष्प बादी, जिल्ला संयोजक गोविन्द रोका लगायत विद्यार्थी नेनाहरुको पनि उपस्थिति रहेको थियो । 

अखिल कान्तिकारीका जिल्ला अध्यक्ष नारायण केसीको स्वागत मन्तव्य रहेको कार्यमको सञ्चालन कर्णाली प्रदेश सचिव अटल आचार्यले गर्नुभएको थियो ।