अखिल नेपाल किसान महासंघ (क्रान्तिकारी) केन्द्र रुुकम पश्चिमको ९ औँ जिल्ला सम्मेनल सम्पन्न भएको छ । आज सहिद प्रतिष्ठानको सभाहल मुसिकोट नगरपालिका वडा नम्बर ५ सेरिगाउँमा ९ औँ जिल्ला सम्मेलन सम्पन्न भएको हो । सम्मेलनले नयाँ कार्यसमिति निर्माण गरेको छ ।

तेजबहादुर बटलाको अध्यक्षतामा ३३ सदस्यीय कार्य समिति चयन गरिएको हो । जसको उपाध्यक्षमा रीता डाँगाी, नित्यदेव केसी, शेरबहादुर केसी, सचिवमा बलविर चनारा, सह–सचिव मोहना दाहाल र कोषाध्यक्षमा रीमा डाँगी चयन हुनुभएको छ । 

पदाधिकारी सहित १६ जना जिल्ला कार्यसमिति चयन गर्दा विभिन्न घटक संगठनको जिम्मेवारी सहित जिल्ला सदस्यमा चयन गरिएको छ । खाद्यबाली घटक संगठनमा केशव केसी, तरकारीबालीमा डिलबहादुर पुन, कुखुरापालकमा मीना शाही, पशुपालकमा प्रताप नकाल, फलफूलबालीमा हिमबहादुर पुनलाई जिम्मा दिइएको छ ।

त्यस्तै जडिबुटीमा भिमबहादुर बुढाथोकी, मौरीपालकमा लालबहादुर ओली, नर्सरी तथा पुष्पमा नरेन्द्र भण्डारी, माछा पालकमा कृष्णबहादुर ओली र मसलाबालीमा शेरबहादुर खड्कालाई जिम्मेवारी दिइएको बताइएको छ । घटक संगठनको जिम्मेवारी प्राप्त गरेकाहरु अखिल नेपाल किसान महासंघ क्रान्तिकारीका केन्द्रिय सदस्य समेत हुन् ।
 
घटक संगठनले आ–आफ्नो क्षेत्रमा गर्नुपर्ने काम, किसानका समस्या, किसानका मागहरुको सम्बोधन गर्न पहल गर्ने संगठका केन्द्रिय महासचिव तथा प्रमुख अतिथि नरेन्द्र खड्काले बताउनुभयो । उहाँका अनुसार घटक संगठनमा केन्द्रिय सदस्य रहेकोले जिल्लामा मात्रै नभएर आवश्यक परेकोे खण्डमा जिल्ला बाहिर पनि काम गर्ने उहाँको भनाई छ । 

अखिल नेपाल किसान महासंघ रुकुम पश्चिमका निवर्तमान अध्यक्ष जनक बटलाको अध्यक्षतामा भएको ९ औं जिल्ला सम्मेलनमा केन्द्रिय महासचिव खडकाको प्रमुख र नेकपा माओवादी केन्द्रका केन्द्रिय सदस्य बसन्तकुमार शर्माको विशेष आतिथ्यता रहेको थियो । त्यस्तै अखिल नेपाल किसान महासंघका केन्द्रिय सदस्य टेकबहादुर गिरी, माओवादी केन्द्रका जिल्ला संयोजक गोविन्द रोका, राष्ट्रिय भूमी आयोग रुकुम पश्चिमका अध्यक्ष मिनबहादुर ओली, अनेरास्ववियु क्रान्तिकारीका जिल्ला अध्यक्ष नारायण केसी लगाएत ६ वटै पालिकाका अखिल  नेपाल किसान महासंघमा आवद्ध किसानहरुको सहभागिथा रहेको थियो ।