अमेरिकामा मृत्यु भएका कुशुमका छोरा छोरीलाई अमेरिकाबाट १७ लाख सहयोग प्राप्त

समाज

Home
समाज
अमेरिकामा मृत्यु भएका कुशुमका छोरा छोरीलाई अमेरिकाबाट १७ लाख सहयोग प्राप्त

अमेरिकामा मृत्यु भएका कुशुमका छोरा छोरीलाई अमेरिकाबाट १७ लाख सहयोग प्राप्त छोरा प्रिन्स केसी र छोरी प्रिन्सेस केसीको नाममा समान ८ लाख ५२ हजारका दरले १७ लाख चार हजार १४ बर्षका लागी फिक्स डिपोजिट गरिएको छ ।

कखरा संवाददाता बुधबार, माघ ४, २०७९

मृतक कुशुमका छाेरा र छाेरी ।

वैदेशिक राेजगारीका क्रममा अमेरिकामा मृत्यु भएका रुकुम पुर्वको सिस्ने गाउँपालिका वडा नम्बर ७ नाथिगाडका कुशुम केसीका छोरा छोरीलाई अमेरिकाबाट सहयोग प्राप्त भएको छ । पुगेको छोटो समयमै ह्दयघात भएर मृत्युु भएका केसीका छोरा, छोरीलाई आर्थिक सहयोग प्राप्त भएको हो । मृतक केसीका श्रीमती, एक छोरा र १ छोरी रहेका छन् । अमेरिकामै रहनुभएका समाजसेवी युवा प्रेमबहादुर रावतको पहलकदमीमा अमेरिकामा बस्दै आएका नेपाली युवाहरुबाट १७ लाख ४ हजार आर्थिक संकलन गरि मृतकका छोरा छोरीका लागि पठाइएको छ ।

उनिहरुको पढाइलेखाइमा सहयोग पुर्याउने उद्देश्यका साथ संकलन गरिएको रकम कुमारी बैंकको ‘कुमारी धनबृद्धि 5x प्रिमियम खाता’ मा जम्मा गरिएको पहलकर्ता रावतले बताउनुभयो । उहाँका अनुसार छोरा प्रिन्स केसी र छोरी प्रिन्सेस केसीको नाममा समान ८ लाख ५२ हजारका दरले १७ लाख चार हजार १४ बर्षका लागि फिक्स डिपोजिट गरिएको छ । यो रकम १४ वर्ष अघि निकाल्न पाइने छैन् । १४ वर्षमा ४२ लाख ६० हजारका दरले दुई भाइ बहिनीले ८५ लाख २० हजार प्राप्त गर्ने छन् भने खाता स्वतः निष्कृय हुने रावतको भनाई छ ।

सहयोग प्राप्त गरेपछि पीडित परिवारले सहयोग गर्नेहरुलाई धन्यवाद दिएको छ । रोजगारीका क्रममा श्रीमानको मृत्यु भएपछि समस्या भएको अवस्थामा विभिन्न व्यक्तिहरुको सहयोगमा छोरा र छोरीको नाममा पैसा आएपछि उनिहरुको उच्च शिक्षा प्राप्तीमा सहयोग पुग्ने भन्दै कुशुमकी श्रीमती विष्णु केसीले सहयोग गर्नेहरुलाई धन्यवाद दिनुभयो ।

आर्थिक सहयोग गर्नेहरुको नामावलीः

317646080_3428448180720380_4241058767810249016_n1674059989.jpg