टाेपबहादुरलाई हराउँदै सिम्रुतु क्याम्पसको अध्यक्षमा चन्द्रबहादुर निर्वाचित

समाज

Home
समाज
टाेपबहादुरलाई हराउँदै सिम्रुतु क्याम्पसको अध्यक्षमा चन्द्रबहादुर निर्वाचित

टाेपबहादुरलाई हराउँदै सिम्रुतु क्याम्पसको अध्यक्षमा चन्द्रबहादुर निर्वाचित

कुबेर ओली आइतबार, माघ २२, २०७९

नव निर्वाचित अध्यक्ष खड्का ।

रुकुम पश्चिमको त्रिवेणी गाउँपालिका वडा नम्बर २ सिम्रुतुमा रहेको सिम्रुतु क्याम्पस संचालक समितिको अध्यक्षमा चन्द्रबहादुर खड्का निर्वाचित हुनुभएको छ । अर्का उम्मेद्वार टोपबहादुर चन्दलाई पराजित गर्दै खड्का अध्यक्षमा निर्वाचित हुनुभएकाे हाे । कुल १०४ जना क्याम्पस सभा सदस्य मध्ये ९० जना मतदानमा सहभागी भएका थिए । कुल खसेको ९० मध्ये ६१ मत सदर र २९ मत बदर रहेको थियो । जसमध्ये खड्काले ३८ मत प्राप्त गर्नुभयाे ।

उहाँका प्रतिस्पर्धि चन्दले २३ मत प्राप्त गर्नुभयाे । १५ मतान्तरले खड्का निर्वाचित हुनुभयाे । खड्का त्रिवेणी ४ निवासी हुनुहुन्छ । उहाँ वडा नम्बर ४ काे निवर्तमान अध्यक्ष समेत हुनुहुन्छ । अध्यक्षमा सहमति हुन नसकेपछि निर्वाचन भएकाे हाे । अन्य पदमा भने निर्विराेध भएकाे छ ।

क्याम्पस संचालक समितिको उपाध्यक्षमा त्रिवेणी २ का शोभाराम बोहरा निर्विरोध निर्वाचित हुनुभएको छ । त्यस्तै सदस्यहरुमा त्रिवेणी ५ का रणबहादुर पुन, त्रिवेणी ६ की निर्मला बिष्ट खड्का, त्रिवेणी १ का लक्ष्मन ओली, त्रिवेणी १ का दिलिपकुमार देवकोटा, त्रिवेणी ८ का लक्ष्मन कामी र त्रिवेणी १० का शेरबहादुर खड्का निर्विरोध निर्बाचित हुनुभएको निर्वाचन समिति संयोजक ओमप्रकाश बिसीले जानकारी दिनुभयो ।

उहाँका अनुसार आइतबार दिउसो ४:३० बजे देखी मतदान कार्य प्रारम्भ भइ बेलुकी ६ बजे सम्पन्न भएको हो । लगत्तै मतगणना कार्य सुरु गरी बेलुकी ८:३० बजे मतगणना सम्पन्न भएको हो । आज निर्वाचन परिणाम घोषणा गरिएको र निर्वाचित पदाधिकारी तथा सदस्यहरूकाे सपथ तथा प्रमाण पत्र वितरण भने सोमबार बिहान ८ बजे गरिने संयोजक बिसीले बताउनुभयो ।

शुक्रबार सुरु भएको क्याम्पसको चौंथो साधारण सभामा आर्थिक प्रतिवेदन संगै क्याम्पसको भौतिक अवस्था समेटिएको कार्यपत्र प्रस्तुत गरिएको थियो । आज नयाँ संचालक समिति चयन गर्दै सभा सम्पन्न भएको क्याम्पस प्रमुख सुर्यविक्रम खड्काले बताउनुभयो ।

प्रकाशित मिति: आइतबार, माघ २२, २०७९ २२:१२

प्रतिक्रिया दिनुहोस्