एलिना चौहानलाई हेर्न झरीका विच पनि मान्छे ओइरिए (भिडिओ सहित)

मनाेरन्जन

Home
मनाेरन्जन
एलिना चौहानलाई हेर्न झरीका विच पनि मान्छे ओइरिए (भिडिओ सहित)

एलिना चौहानलाई हेर्न झरीका विच पनि मान्छे ओइरिए (भिडिओ सहित)

कखरा संवाददाता सोमबार, चैत ६, २०७९

रुकुम पश्चिमको मुसिकोटमा जारी साँस्कृतिक तथा व्यापारिक महोत्सवको ११ औं दिन आज गायिका एलिना चौहान लगायतका कलाकारहरुले प्रस्तुति राखेका छन् । पछिल्लो समय युवा पुस्ता माझ चर्चित गायिका चौहानले महोत्सवमा विभिन्न गित गाएर दर्शकलाई मनोरञ्जन दिनुभएको थियो ।

विशेष गरी धोकेबाज हौ तिमी भन्ने गितले चौहानलाई धेरैका विचमा परिचित बनाएको छ । यही गितका कारण मेला महोत्सवमा उहाँको माग धेरै छ । एलिना आउने भएपछि गाउँ गाउँबाट मान्छेहरु महोत्सव हेर्न पुगेका थिए । मौसमले साथ नदिएपनि महोत्सव स्थलमा खचाखच दर्शकहरु भरिएका थिए ।

बिहानैबाट मौसम बदलिएको थियो । दिउँशोपछि भने झरी नै परेको थियो । तर पनि मान्छेहरु हलचल नभई महोत्सवमा रमाएका छन् । एलिनाको प्रस्तुतिमा दर्शकलाई थाम्नै मुश्किल परेको थियो । सुरक्षाकर्मीलाई हम्मेहम्मे परेको थियो । झरीका विचमा पनि ठूलो संख्यामा दर्शक देखेपछि चौहानले खुसी व्यक्त गर्नुभयो ।

Eleena chauhan1679311793.jpg

आफु गएका कार्यक्रम मध्यको यो उत्कृष्ट कार्यक्रम रहेको चौहानले प्रतिक्रिया दिनुभयो । गायिका चौहानसंगै आज महोत्सवमा लोक दोहोरी गायक चन्द्र शर्माले पनि प्रस्तुती राख्नुभएको थियो । झरीका विचमा पनि दर्शकहरु महोत्सवमा झुमेका थिए । फागुन २६ गतेबाट सुरु भएको महोत्सव भोलीसम्म संचालन हुने आयोजकले जनाएको छ ।

महोत्सवको अन्तिम दिन भोली लोक दोहोरी गायक पुष्कल शर्मा लगायतका कलाकार आउने महोत्सव संयोजक डिल्ली परियारले जानकारी दिनुभयो । राष्ट्रिय लोक तथा दोहोरी गित प्रतिष्ठान रुकुम पश्चिम र कला साँस्कृतिक पर्यटन प्रवद्र्धन मञ्च रुकुम पश्चिमले संयुक्त रुपमा महोत्सव आयोजना गरेका हुन् ।

प्रकाशित मिति: सोमबार, चैत ६, २०७९ १७:०५

प्रतिक्रिया दिनुहोस्