सोमबार साँझ बागलुङको निसिखोला गाउँपालिका ६ जाउलेपानीमा बस दुर्घटनामा ज्यान गुमाउने तथा घाइतेहरुको पहिचान खुलेको छ । रुकुम पश्चिमबाट काठमाडौका लागि छुटेको बागमती प्रदेश ०१–००६ ख३८७९ नम्बरको बस सोमबार साँझ दुर्घटना भएको थियो ।
दुर्घटनामा परी दाङका १८ वर्षीय लक्की पुनमगर, रुकुमपश्चिमको मुसिकोट नगरपालिका १ का २७ वर्षीया बिनिता केसी, मुसिकोट नगरपालिका २ रातामाटाका बबि नेपाली, मुसिकोट नगरपालिका ४ सोलाबाङका ३५ वर्षीया टीका केसी, मुसिकोट नगरपालिका ७ साँखकी कल्पना केसी, रोल्पा घर भएका गाडी चालक सुवास गौतम भनिने मानसिंह विक, गोर्खा घर भएकी गीता थापा, ललितपुरका सुजन महर्जन र रुकुमपूर्व सिस्ने गाउँपालिका ५ रुमालबाराका २५ वर्षीय विक्रम परियारको मृत्यु भएको सूचना अधिकारी प्रहरी नायव उपरीक्षक मदन केसीले जानकारी दिनुभयो ।
उहाँका अनुसार बस सडकबाट एक सय ५० मिटर तल खसेको थियो । सात जनाको घटनास्थलमै मृत्यु भएको र दुई जनाको बुर्तिबाङ प्राथमिक स्वास्थ्य केन्द्रमा उपचारका क्रममा मृत्यु भएको उहाँले जानकारी दिनुभयो ।
दुर्घटनामा ज्यान गुमाएका अधिकांश रुकुमपश्चिमका छन । घटनास्थलमै मृत्यु भएका सात जनाको शव सोमबार राति नै रुकुम पठाएको थियो । दुई जनाको शव भने बुर्तिबाङ प्राथमिक स्वास्थ्य केन्द्रमै राखिएको छ । २८ जना घाइते भएका छन् । घाइतेमध्ये एक जनाको बुर्तिबाङ प्राथमिक स्वास्थ्य केन्द्रमा उपचार भइरहेको र अन्य २७ जनालाई बागलुङस्थित धवलागिरि अस्पतालमा ल्याइएको जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक केसीले जानकारी दिनुभयो ।
घाइतेहरु विवरण
१) रुकुमपश्चिम मुसिकोट नगरपालिका–१ का ५२ वर्षीय दशरथ नेपाली,
२) सोही ठाउँका ३० वर्षीय छकेन्द्रजङ्ग सेन, ३)आठबिसकोट नगरपालिका–१ का २६ वर्षीय पुष्कर बुढा,
४)गुल्मी मदाने गाउँपालिका–१ का २४ वर्षीय गोविन्द बोहरा,
५)रुकुमपश्चिम मुसिकोट नपा–३ का ६५ वर्षीय हर्कबहादुर केसी,
६)रुकुमपश्चिम मुसीकोट नगरपालिका बोतलिवाङ–७ का ३५ वर्षीय हिमबहादुर पाण्डे, ७)गुल्मी मालिका गाउँपालिका–१ का ५० वर्षीय बलबहादुर पुन,
८)सुर्खेत पञ्चपुरी नगरपालिका–८ का २६ वर्षीय लक्ष्मण बोगटी,
९)रुकुमपश्चिमका २२ वर्षीय टीकाराम विक,
१०)सोही ठाउँकी लक्ष्मी पुनमगर,
११)मुसीकोट नगरपालिका ११ की २२ वर्षीया सविना पुनमगर,
१२)रुकुमपश्चिमका ३८ वर्षीय हेमराज केसी घाइते भएका छन् ।
यसैगरी,
१३)रुकुमपश्चिमको मुसिकोट नगरपालिका–३ का २४ वर्षीय गणेश खड्का,
१४)काठमाडौँ टोखा नगरपालिका–३ की २३ वर्षीय सृष्टि गैरे,
१५)डोल्पा त्रिपुरासुन्दरी नगरपालिका–३ का २८ वर्षीय आविष्कार धराला,
१६)रुकुमपश्चिम मुसिकोट–३ का २७ वर्षीया सरिता खड्का,
१७)सोही ठाउँकी ज्ञानु ढकाल,
१८) ललितपुर महानगरपालिका–१४ का २४ वर्षीया अनुज्ञा भट्टराई,
१९)मुसिकोट नगरपालिका –४ की ४६ वर्षीया बिना शर्मा,
२०) सोही ठाउँकी ४४ वर्षीया कमला केसी,
२१) २० वर्षीया लक्ष्मी पुनमगर,
२२)५५ वर्षीया लीला केसी,
२३)३० वर्षीय सशिराम खड्का,
२४)१८ वर्षीया सपना वली,
२५)मुसिकोट नगरपालिका–३ का ६० वर्षीय हर्कबहादुर जिसी,
२६) सानोभेरी गाउँपालिका–१ का २६ वर्षीय दिनेश खड्का,
२७)त्रिवेणी गाउँपालिका–१ का २८ वर्षीय हेमराज केसी
२८)सिन्धुपाल्चोकको जुगाल गाउँपालिका–२ का २६ वर्षीय देवेन्द्र रिजाल रहनु भएको छ ।