नेपाल रेडक्रस सोसाइटी उपशाखा मुरू रुकुम पश्चिमको १६ औँ साधारण सभा तथा पाचौँ अधिवेशन सम्पन्न भएको छ । त्रिवेणी गाउँपालिका वडा नम्बर ७ को मुरु डाँडामा भएको अधिवेशन नयाँ कार्यसमिति चयन गर्दै सम्पन्न भएको हो । साधारण सभाले प्रेमबहादुर ओलीको अध्यक्षतामा ११ सदस्यीय नयाँ कार्यसमिति निर्माण गरेको छ । 

जसको उपसभापतीमा रत्नकुमारी विष्ट, सचिवमा पुर्णविराम ओली, कोषाध्यक्षमा रणबहादुर डाँगी, सह- सचिवमा सपना विष्ट र  सह- कोषाध्यक्षमा कुवेर ओली चयन हुनुभएको छ । त्यस्तै सदस्यहरुमा लुम्बीनी पुन, सिर्जना पुन, सिता ओली, र छिमा पुन खड्का चयन भएको सह कोषाध्यक्ष ओलीले जानकारी दिनुभयो ।

उहाँका अनुसार साधारण सभाले विभिन्न  निर्णयहरु पनि पारित गरेको छ ।सभाले उपशाखाको आर्थिक प्रतिवेदन तथा वार्षिक प्रतिवेदन समेत बहुमतले अनुमोदन गरेको सह कोषाध्यक्ष ओलीले जानकारी दिनुभयो । नेपाल रेडक्रस सोसाइटी उपशाखा सभापती ओलीको अध्यक्षतामा भएको कार्यक्रममा जिल्ला शाखा सभापती रमा  गौतमको प्रमुख आतिथ्यता रहको थियो । त्यस्तै जिल्ला शाखा मन्त्री बलविर पुन,  ७ नम्बर वडा अध्यक्ष धनबहादुर खड्का लगायतको आतिथ्यता ररहेको थियो ।