महेन्द्र मावि छिवाङ चौतारालाई लक्ष्मी सनराइज बैंकद्वारा डेस्कटप सहयोग

लक्ष्मी सनराइज बैंक रुकुम पश्चिम मुसिकोट शाखाले सामाजिक उत्तरदायित्वअन्तर्गत महेन्द्र माध्यमिक विद्यालय छिवाङ चौतारालाई एक थान डेस्कटप कम्प्युटर सहयोग गरेको छ ।

विद्यालयमा सूचना प्रविधिको प्रयोगलाई थप प्रभावकारी बनाउने तथा विद्यार्थीको सिकाइमा प्रविधिको पहुँच विस्तार गर्ने उद्देश्यले बैंकले डेस्कटप कम्प्युटर हस्तान्तरण गरेको हो ।

बैंकको सामाजिक उत्तरदायित्व अन्तर्गत गरिएको उक्त सहयोगले विद्यालयको शैक्षिक तथा प्रशासनिक काममा समेत सहयोग पुग्ने अपेक्षा गरिएको छ । 

पछिल्लो समय शिक्षण-सिकाइमा प्रविधिको प्रयोग बढ्दै गएकाले कम्प्युटर सहयोगले विद्यालयलाई थप सहजता पुग्ने लक्ष्मी सनराइज बैंकका शाखा प्रमुख सुधीर शाहले बताउनुभयो ।

विद्यालयलाई सामग्री सहयोग गरेकोमा विद्यालय परिवारले लक्ष्मी सनराइज बैंक मुसिकोट शाखाप्रति धन्यवाद व्यक्त गरेको  छ । 

प्रधानाध्यापक झलक पुनले बैंकबाट प्राप्त सहयोग विद्यालयका लागि उपयोगी रहेको बताउँदै आगामी दिनमा पनि यस्ता सामाजिक कार्यमा सहकार्यको अपेक्षा रहेको बताउनुभयो ।

प्रकाशित मिति: बिहीबार, असोज ८, २०८३  १०:०४
प्रतिक्रिया दिनुहोस्
Weather Update