आँखा उपचार केन्द्र सल्लेबाट बुधबार निःशुल्क आँखा उपचार सेवा प्रदान गरिएको छ । बुधबार एक दिन आँखाका बिरामीलाई निःशुल्क जाँच र औषधि वितरण गरिएको हो । नेपाल नेत्र ज्योती संघ रुकुम पश्चिमका सभापति तथा आँखा उपचार केन्द्र सल्लेका व्यवस्थापन समिति अध्यक्ष शिवराम खत्रीले आफ्नो जन्मदिनको अवसरमा आँखाका बिरामीहरुलाई निःशुल्क औषधिको व्यवस्था गरिदिनुभएको हो । बुधबार दिनभरी १६ जना बिरामीले सेवा लिएको र टिकट शुल्क बाहेक अन्य पैसा तिर्नु नपरेको खत्रीले बताउनुभयो । करिब ५ हजार बराबरको औषधि निःशुल्क रुपमा वितरण गरेको उहाँको भनाई छ । यसको पैसा आफुले व्यहोरेको उहाँले बताउनुभयो ।