सिस्नेमा भूमि सम्बन्धि समस्या समाधान सहजिकरण समिति गठन

समाज

Home
समाज
सिस्नेमा भूमि सम्बन्धि समस्या समाधान सहजिकरण समिति गठन

सिस्नेमा भूमि सम्बन्धि समस्या समाधान सहजिकरण समिति गठन

जितेन्द्र बुढाथोकी शुक्रबार, भदौ १७, २०७९

समिति गठन गर्दा बैठकमा सहभागिहरू ।

रुकुम पूर्वको सिस्ने गाउँपालिकामा भूमि सम्बन्धि समस्या समाधान सहजिकरण समिति गठन गरिएको छ । गाउँपालिका अध्यक्ष कृष्ण रेग्मी संयोजक र गाउँपालिका उपाध्यक्ष गोपाल रेउले उपसंयोजक रहनुभएको छ । जसमा १२ सदस्यीय समिति गठन गरिएको हो । सदस्य सचिवमा गाउँपालिकाका प्रमुख प्रशासकीय अधिकृत विकासविक्रम शाह रहनुभएको छ ।

सदस्यहरूमा जिल्ला स्थित राष्ट्रिय मान्यता प्राप्त दलहरू नेपाली कांग्रेसबाट मदन विसी, नेकपा एमालेबाट कर्णबहादुर चन्द, नेकपा माओवादी केन्द्रबाट शान्तेबहादुर विक, नेकपा एकीकृत समाजवादीबाट भिमकान्त उपाध्याय र राप्रपाबाट सुधिरविक्रम शाह रहनुभएको छ । यस्तै सिस्ने गाउँपालिका ६ का दलित महिला सदस्य धनकला विक, सिस्ने गाउँकार्यपालिका समस्य मिना केसी, नागरिक समाजबाट तारकबहादुर शाह र चन्द्रकुमारी दमाई सदस्यमा रहनुभएको छ ।

भूमिहिन, दलित, सुकुम्बासी तथा अव्यवस्थित बसोबासीको पहिचान तथा उनिहरूको लगत संकलन कार्यको लागि राष्ट्रिय भूमि आयोगमा पुनः सूचना गरिदिन पत्राचार गर्ने निर्णय गरिएको छ । सिस्ने गाउँपालिकामा अव्यवस्थित बसोबास गरिरहेकाहरू धेरै भएको अनुमान गरिएको छ । सूचना प्रकाशन भएको ३५ दिनभ भित्र लगत संकलनको कार्य सम्पन्न गरिसक्नुपर्ने छ ।

प्रकाशित मिति: शुक्रबार, भदौ १७, २०७९ १८:०४