रुकुम पश्चिमको जेठो विद्यालय त्रिभुवन जनता माविले ७० औं वार्षिकोत्सव मनाएको छ । मुसीकोट नगरपालिका १ खलंगामा रहेको विद्यालयले विभिन्न कार्यक्रम गरेर वार्षिकोत्सव मनाएको हो । असोज १ गते सुरु भएको औपचारिक समारोह आज समापन गरिएको छ । औपचारिक समारोह पूर्व विभिन्न अतिरिक्त क्रियाकलापहरु संचालन गरिएको थियो ।
विद्यालयले हरेक वर्ष असोज १ गते औपचारिक समारोहको आयोजना गरी वार्षिकोत्सव मनाउने गरेकोमा यो वर्ष भने प्रतिकुल मौसमका कारण १ गते वार्षिकोत्सव समारोह उद्घाटन मात्र भएको थियो । आज उक्त समारोहलाई निरन्तरता दिदैं सकाइएको विद्यालयले जनाएको छ ।
समारोहका अवसरमा विद्यालयमा कार्यरत सबै शिक्षक तथा कर्मचारीहरुलाई प्रशंसापत्रले सम्मान गरिएको छ । त्यस्तै विद्यालयमा स्थापना गरिएका विभिन्न छात्रवृत्ति अक्षय कोषबाट विद्यार्थीहरुलाई छात्रवृत्ति प्रदान गरिएको छ । विद्यालयलाई विभिन्न सामग्री सहयोग गर्ने व्यक्ति तथा संस्थाहरुलाई विद्यालयले सम्मान तथा धन्यवाद समेत ज्ञापन गरेको छ । कार्यक्रममा विद्यालय तथा अन्य छिमेकी विद्यालयका विद्यार्थीहरूले साँस्कृतिक प्रस्तुति समेत राखेका थिए ।
कार्यक्रममा विद्यालयका प्रध्यानाध्यापक हरिप्रसाद खनालले विद्यालयको वार्षिक प्रगति प्रतिवेदन प्रस्तुत गर्नुभएको थियो । तर टुंगो लाग्न बाँकी रहेको भन्दै विद्यालयको आय व्यय भने वार्षिकोत्सव समारोहमा प्रस्तुत गरिएन् । कार्यक्रममा बोल्ने वक्ताहरुले आर्थिक पाटोलाई गम्भिरताका साथ उठाएका थिए । जिल्लाको पुरानो विद्यालयले खर्च विवरण पेश गर्न नसक्नु दुःखद भएको उनिहरुले बताएका थिए ।
प्रमुख जिल्ला अधिकारी परमानन्द घिमिरेले आर्थिक पाटोलाई तत्कालै दुरुस्त बनाउन विद्यालयलाई निर्देशन दिनुभयो । आर्थिक पारदर्शितामा ध्यान दिन उहाँले विद्यालयलाई आग्रह गर्नुभयो । राजनीतिक दलहको तर्फबाट बोल्दै नेकपा एमालेका जिल्ला सचिव शसिराम नेपाली र नेपाली कांग्रेसका जिल्ला सह सचिव यज्ञबहादुर बिष्टले पनि आर्थिक पारदर्शितामा विद्यालय चुकेको भन्दै तत्कालै आर्थिक विवरण सार्वजनिक गर्न विद्यालय प्रशासन र विव्यसलाई आग्रह गर्नुभयो ।
विद्यालय व्यवस्थापन समितिका अध्यक्ष नरेन्द्र केसीले छिट्टै अभिभावक भला गरेर आयव्यय सार्वजनिक गरिने बताउनुभयाे । फाइनल हुन बाँकी रहेकाेले आर्थिक प्रतिवेदन पेश हुन नसकेकाे बताउनुभयाे । समग्र विद्यालयकाे विकासका लागि वार्षिक कार्ययाेजना निर्माण गरेकाे र साेही अनुसार काम हुने उहाँकाे भनाई छ । साथै विद्यालयकाे विकासका लागि साथ र सहयाेग गर्न उहाँले सबैलाई आग्रह पनि गर्नुभयाे ।
वार्षिकोत्सव समारोह Live
1675054956.jpg)
