मुसीकोट–५ मा साढे तीन सय मिटर घोरेटो बाटो निर्माण

समाज

Home
समाज
मुसीकोट–५ मा साढे तीन सय मिटर घोरेटो बाटो निर्माण

मुसीकोट–५ मा साढे तीन सय मिटर घोरेटो बाटो निर्माण

बलेन्द्र ओली आइतबार, माघ ८, २०७९

रुकुम पश्चिमको मुसीकोट नगरपालिका–५ थर्पूमा झन्डै साढे ३ सय मिटर घोरेटो बाटो निर्माणको काम सम्पन्न भएको छ । पुस महिनाबाट सुरु गरिएको ३ सय ४० मिटर दुरीको घोरेटो बाटो निर्माणको काम सम्पन्न भएको हो । पक्की ढलानको घोरेटो बाटो निर्माण भएसँगै स्थानीयलाई आवतजावतमा सहज हुनका साथै पशुचौपाय हिडाल्न पनि सहज भएको छ ।

वडाको चौराढिक देखि पिङहाल्ने सम्म घोरेटो बाटो निर्माणको काम सम्पन्न भएपछि नगरपालिकाले अनुगमन समेत गरेको जनाएको छ । वडामा निर्माण भएका योजनाहरूको शनिबार अनुगमन गरिएको मुसीकोट नगरपालिकाका सव इन्जिनियर विनोदकुमार ओलीले जानकारी दिनुभयो । उहाँका अनुसार घोरेटो बाटोसँगै वडामा भएका विभिन्न ६ वटा खानेपानीका मुहानमां निर्माण गरिएका ट्यांकीको पनि अनुगमन गरिएको छ ।

उक्त वडामा घोरेटो बाटो निर्माणमा ८ लाख बजेट खर्च भएको छ भने तल्लो थर्पूमा पानी ट्यांकी निर्माणमा ६ लाख बजेट खर्च भएको छ । विभिन्न पानीका मुहानहरुमा पाईप लाईन मर्मत गर्दा १ लाख ५० हजार रकम खर्च भएको मुसीकोट नगरपालिका सव इन्जिनियर ओलीले जानकारी दिनुभयो ।

प्रकाशित मिति: आइतबार, माघ ८, २०७९ १७:४९

प्रतिक्रिया दिनुहोस्