सर्वाङ्गिण विकास समाजको दिवा खाजा कार्यक्रम उत्कृष्टः अध्यक्ष श्रेष्ठ

समाज

Home
समाज
सर्वाङ्गिण विकास समाजको दिवा खाजा कार्यक्रम उत्कृष्टः अध्यक्ष श्रेष्ठ

सर्वाङ्गिण विकास समाजको दिवा खाजा कार्यक्रम उत्कृष्टः अध्यक्ष श्रेष्ठ

कखरा संवाददाता बुधबार, माघ ११, २०७९

रुकुम पूर्वको भूमे गाउँपालिका–३ अन्तर्गतको सामुदायिक विद्यालयहरूमा दिवा खाजा सञ्चालन गर्दै आएको सर्वाङ्गिण विकास समाज नेपालको दिवा खाजाको प्रभावकारीताको बारेमा अनुगमन गरिएको छ । भूमे गाउँपालिका अध्यक्ष होमप्रकाश श्रेष्ठको अध्यक्षतामा खटिएको टोलीले उक्त दिवा खाजा लगायत विद्यालयको अनुगमन गरिएको हो ।

अनुगमनमा आज बुधबार वाशु स्मृति नमुना आधारभूत विद्यालय क्याङसी र टकसार आधारभूत विद्यालय झुम्लाबाङमा अनुगमन गरिएको छ । उक्त अनुगमनको क्रममा अध्यक्ष श्रेष्ठले प्रशंसा समेत गर्नुभएको छ । उक्त खाजा कार्यक्रमले विद्यार्थीको उपस्थिति संख्यामा पनि बृद्धि भएको अध्यक्षले बताउनुभयो । सफा सुग्घर र पोषिलोयुक्त खाजा सञ्चाल गरिराखेकोमा सर्वाङ्गिण विकास समाज नेपाललाई अध्यक्ष श्रेष्ठले धन्यवाद दिनुभएको छ ।

अनुगमनमा अध्यक्ष श्रेष्ठ, निमित्त प्रमुख प्रशासकीय अधिकृत प्रेमप्रसाद भट्टराई, भूमे ३ का कार्यवाहक अध्यक्ष निमकुमारी सुनार, स्थानीय वुद्धिजिवी जोगबहादुर पुन, गाउँपालिकाका कर्मचारी चन्द्र रसाईली, संस्थाका कार्यकारी निर्देशक सुशिल गुरुङ, विजय लामा लगायतको उपस्थिति रहेको थियो । उक्त संस्थाले स्थानीय रुपमा कृषिको पनि अनुसन्धानको कार्यलाई अघि बढाउदै आएको छ ।

प्रकाशित मिति: बुधबार, माघ ११, २०७९ १५:३०