जिल्ला स्तरीय आलु खेती तथा चिप्स उत्पादन तालिम

समाज

Home
समाज
जिल्ला स्तरीय आलु खेती तथा चिप्स उत्पादन तालिम

जिल्ला स्तरीय आलु खेती तथा चिप्स उत्पादन तालिम

कखरा संवाददाता सोमबार, माघ १६, २०७९

तालिम समापनका केही झलकहरू । तस्बिरः कखरा ।

रुकुम पूर्वमा जिल्ला स्तरीय आलु खेती प्रविधि तथा चिप्स उत्पादन सम्बन्धी तालिम दिइएको छ । जिल्लाको एकीकृत कृषि तथा पशुपंक्षी विकास कार्यालयको आयोजनमा सिस्ने गाउँपालिका–६ रुकुमकोटमा तीन दिने आलु खेती प्रविधि तथा आलु चिप्स उत्पादन सम्बन्धी तालिम दिइएको हो ।

शनिबार देखि सुरु गरिएको तालिम सोमबार समापन गरिएको छ । तीन दिन सम्मको तालिम मुख्य प्रशिक्षक आलु बाली विज्ञ श्यामप्रसाद ढकाल रहनु भएको थियो । तालिममा जिल्लाका तीन वटै गाउँपालिकाका आलु खेती व्यवसाय तथा तालिममा इच्छा राख्नु भएका कृषकलाई तालिममा सहभागिता गरिएको एकीकृत कृषि तथा पशुपंक्षी विकास कार्यालयका सूचना अधिकारी थलराज बस्नेतले बताउनुभयो ।

तालिममा सहभागी राजकुमार सुनारले आलु बाली विज्ञ तथा जिल्ला स्थित कृषि कार्यालयमा कार्यरत दक्षजनशक्ति मार्फत लिएको तालिम उपलब्धी मूलक रहेको बताउनुभयो । आलुको बीउ छनोट देखि रोप्ने, गोडमेल, मलजल, बजारीकरण र आलु चिप्स बनाउने सम्मको ज्ञान प्राप्त भएको भन्दै सुनारले खुसी व्यक्त गर्नु भएको छ । आगामी दिनमा आलु खेती गर्दा कसरी धेरै उत्पादन गर्न सकिन्छ र फरक ढंगबाट बजारीकरण गर्न सकिन्छ भन्ने कुरा थाहा भएको तालिममा सहभागीले बताएका छन् ।

जिल्लामै जिल्ला स्तरीय तालिम आयोजना गरी विषय विज्ञ मार्फत जिल्लाका कृषकले तालिम लिने अवसर मिलेको जिल्ला समन्वय समितिका प्रमुख मेघबहादुर श्रेष्ठले बताउनुभयो । तालिम समापन कार्यक्रमका प्रमुख अतिथि समेत रहनु भएका जिसस प्रमुख श्रेष्ठले तालिममा प्राप्त भएको ज्ञान व्यवहारमा उर्तानु पर्ने धारणा राख्नुभयो । जिल्लामा आलु पनि एक मुख्य बाली भएकाले यसको उत्पादन बृद्धि गर्न र उत्पादित आलु बजारीकरण गर्नमा यस तालिमबाट सहभागी कृषकले पक्कै पनि ज्ञान प्राप्त गर्नु भएको उहाँले बताउनुभयो । उत्पादन भएमा बजारीकरणको समस्या नहुने उहाँले बताउनुभयो ।

यसैगरी एकीकृृत कृषि तथा पशुपंक्षी विकास कार्यालयका प्रमुख पिताम्बर बस्नेतले तालिमका लागि तालिम मात्र नभएको बताउनुभयो । तालिम दिए वापतको प्रतिफल आवस् भन्ने मुख्य उद्देश्यले जिल्लामै विषय विज्ञ मार्फत तालिम दिइएको उहाँले बताउनुभयो । तालिममा प्राप्त भएको ज्ञान कृषकले खेतीपाती मार्फत प्रतिफल देखाउनु पर्ने बस्नेतले आग्रह गर्नु भएको छ ।

प्रकाशित मिति: सोमबार, माघ १६, २०७९ १६:१६

प्रतिक्रिया दिनुहोस्