भूमेमा राष्ट्रपति रनिङ शिल्ड संचालन सचिवालय स्थापना

स्थानीय सरकार

Home
स्थानीय सरकार
भूमेमा राष्ट्रपति रनिङ शिल्ड संचालन सचिवालय स्थापना

भूमेमा राष्ट्रपति रनिङ शिल्ड संचालन सचिवालय स्थापना

कखरा संवाददाता शनिबार, माघ २१, २०७९

सचिवालय उद्घाटन कार्यक्रम ।

रुकुम पूर्वको भूमे गाउँपालिकाले राष्ट्रपति रनिङ शिल्ड संचालन सचिवालय स्थापना गरेको छ । शुक्रवार एक कार्यक्रमका बिच सचिवालयको उद्घाटन गरिएको हो । आगामी फागुन ८ गते देखि संचालन हुन लागेको गाउँपालिका स्तरीय चौंथो राष्ट्रपति रनिङ शिल्डलाई व्यवस्थित र शान्तिपूर्ण तरिकाले संचालन गर्न सचिवालय स्थापना गरेको गाउँपालिकाले जनाएको छ ।

राष्ट्रपति रनिङ शिल्ड सचिवालय वडा नम्बर ६ को जनजागृती मावि महतमा स्थापना गरिएको छ । रनिङ शिल्ड पनि यही वडामा संचालन हुने छ । शिल्ड संचालन, व्यवस्थापन तथा निर्देशक समितिले सचिवालय स्थापना गरेको हो । यो सचिवालयले राष्ट्रपति रनिङ शिल्डको लागि विद्यालयहरूले सहभागी बनाएका छात्र, छात्राहरु खेल निर्देशिका अनुसार भए नभएको छानबिन गर्ने शिक्षा युवा तथा खेलकुद शाखा अधिकृत कौशलकुमार तिवारीले जानकारी दिनुभयो ।

शिल्डमा गाउँपालिका ८ वटा माध्यामिक विद्यालयले सहभागिता जनाउने छन् । भूमे गाउँपालिका अध्यक्ष होमप्रकाश श्रेष्ठको अध्यक्षतामा भएको सचिवालय उद्घाटन कार्यक्रममा गाउँपालिका उपाध्यक्ष सविना बुढा, ६ वडा अध्यक्ष विक्रम पुन, शिक्षा युवा तथा खेलकुद शाखाका प्रमुख कौशलकुमार तिवारी, ८ वटा माविका प्रधानाध्यापक लगायतको उपस्थिति हरेको थियो ।

प्रकाशित मिति: शनिबार, माघ २१, २०७९ १३:५४

प्रतिक्रिया दिनुहोस्