मुसिकोट नगरपालिकाद्धारा विभिन्न योजनाको अनुगमन

स्थानीय सरकार

Home
स्थानीय सरकार
मुसिकोट नगरपालिकाद्धारा विभिन्न योजनाको अनुगमन

मुसिकोट नगरपालिकाद्धारा विभिन्न योजनाको अनुगमन

कखरा संवाददाता शुक्रबार, चैत २४, २०७९

रुकुम पश्चिमको मुसिकोट नगरपालिकाले विभिन्न योजनाहरुको अनुगमन गरेको छ । आज नगरपालिकाका विभिन्न वडामा निमाणाधिन र निर्माण सम्पन्न भएका योजनाहरुको नगरपालिकाले अनुगमन गरेको हो । नगर उपप्रमुख विमलकुमार पुन नेतृत्वको टोलीले नगरपालिकाका ३ वटा वडामा निर्माणाधिन र निर्माण सम्पन्न भएको योजनाहरुको अनुगमण गरेको हो ।

विकास निर्माणका योजनाहरुको अनुगमनसंगै नगरपालिकाको प्राविधिक सहितको समुहलाई वडा वडामा लिएर आगामी वर्षमा निर्माण गर्नुपर्ने योजनाहरुको समेत अध्यन गरिएको मुसिकोट नगरपालिका उपप्रमुख विमलकुमार पुनले जानकारी दिनुभयो । अनुगमनको काम असारमसान्तसम्म निरन्तर चलिराख्ने उहाँको भनाई छ ।

आज ९ नम्बर वडाको होलमा निर्माण भइरहेको घोरेटो बाटो, सडक, १२ नम्बर वडाको जमारुमा निर्माण कार्य सम्पन्न भएको राष्ट्रिय आधारभुत विद्यालयको भवन, काँसपोखरीमा निर्माण भएको सडकको नाला र वडा नम्बर १३ को नेपाल राष्ट्रिय आधारभुत विद्यालयको अनुगमन गरिएको हो ।

337408805_1216638278968255_422589579109748027_n1680872094.jpg

जसमध्ये ९ नम्बर वडाको होल टोलमा निर्माण गरिएकोको घोरेटो बाटो मापदण्ड अनुसार नभएकाले पुनः सुधार गरेर निर्माण गर्न उपभोक्ता समितिलाई निर्देशन दिएको नगर उपप्रमुख पुनने बताउनुभयो । मुख्यमन्त्री स्वरोजगार कार्यक्रम अन्तर्गत १५ लाख बजेटको घोरेटो बाटो निर्माणको योजनामा मापदण्ड अनुसार लम्बाई र चौडाई नभएकाले पुनः मर्मत गर्न भनिएको नगरपालिकाका इन्जिनियर पहलबहादुर पुनले बताउनुभयो ।

उहाँ अनुसार १२ नम्बर वडाको जमारुमा ठेक्का मार्फत १४ लाखमा बनेको राष्ट्रिय आधारभुत विद्यालयको भवन र १३ नम्बर वडाको छिवाङडाँडामा राष्ट्रिय आधारभुत विद्यालयको १८ लाखमा बनेको ३ कोठे पक्की भवन भने मापदण्ड अनुसार निर्माण भएको पाइएको छ ।

प्रकाशित मिति: शुक्रबार, चैत २४, २०७९ १८:३७

प्रतिक्रिया दिनुहोस्