रुकुम कप भलिबलको उपाधि आयोजक रुकुम पश्चिमलाई

खेलकुद

Home
खेलकुद
रुकुम कप भलिबलको उपाधि आयोजक रुकुम पश्चिमलाई

रुकुम कप भलिबलको उपाधि आयोजक रुकुम पश्चिमलाई

कखरा संवाददाता आइतबार, वैशाख २४, २०८०

विजेता टिम रुकुम ।

रुकुम पश्चिमको सदरमुकाम मुसिकोटमा संचालित रुकुम कप भलिबलको उपाधि आयोजक रुकुम पश्चिमले जितेको छ । खलंगाको बराहटाकुरामा आज भएको फाइनलमा सशस्त्र प्रहरीको ६ नम्बर बाहिनीलाई पराजित गर्दै आयोजक रुकुम पश्चिमले उपाधि जितेको हो । प्रतिस्पर्धात्मक खेलमा रुकुम पश्चिमले सशस्त्रलाई ३–२ को सेटमा पराजित गरेको हो । पहिलो सेट रुकुमले जितेको थियो भने दोस्रो सेट सशस्त्रले जितेको थियो ।

त्यसपछि तेस्रो सेट रुकुमले जितेकामा चौंथो सेट भने सशस्त्रले जित्यो । पाँचौं तथा अन्तिम सेट भने रुकुम पश्चिमले जित्दै उपाधि उचाल्यो । रुकुम पश्चिम सेमिफाइनलमा सल्यान र सशस्त्र सुर्खेतलाई पराजित गर्दै फाइनल पुगेको थियो । विजेता रुकुम पश्चिमले नगद ५ लाख र ट्रफि उचालेको छ । उप विजेता बनेको सशस्त्रले २ लाख ५० हजारमा चित्त बुझाएको छ । सेमिफाइनलमा पुगेका सल्यान र सुर्खेतले समान १ लाख नगद पाएका छन् ।

त्यस्तै व्यक्तिगत इभेन्टमा खेलाडि पुरस्कृत गरिएको थियो । रुकुम पश्चिम भलिबल प्रशिक्षण केन्द्रले प्रतियोगिता आयोजना गरेको हो । जिल्लामा पहिलो पटक टिकट शुल्क लिएर प्रतियोगिता संचालन गरिएको हो । प्रतियोगिता अवधिभर दर्शकको राम्रो साथ पाएको आयोजक रुकुम पश्चिम भलिबल प्रशिक्षण केन्द्रका अध्यक्ष तेजविक्रम विएमले बताउनुभयो । जिल्लाको भलिबल विकास र कर्णाली प्रदेशमै हुन लागेको १० औं राष्ट्रिय खेलकुद प्रतियोगिताको तयारी स्वरुप प्रतियोगिता आयोजना गरिएको उहाँको भनाई छ ।

प्रकाशित मिति: आइतबार, वैशाख २४, २०८० २०:५९