सशस्त्रका असिम रुकुम कप भलिबलको उत्कृष्ट खेलाडी

खेलकुद

Home
खेलकुद
सशस्त्रका असिम रुकुम कप भलिबलको उत्कृष्ट खेलाडी

सशस्त्रका असिम रुकुम कप भलिबलको उत्कृष्ट खेलाडी

कखरा संवाददाता सोमबार, वैशाख २५, २०८०

सशस्त्र प्रहरी ६ नम्बर बाहिनीका असिम राना रुकुम कप भलिबलको उत्कृष्ट खेलाडी बन्नुभएकाे छ। खेल अवधिभर उत्कृष्ट खेल प्रदर्शन गरेका राना सहभागी खेलाडी मध्ये उत्कृष्ट हुँदै वेष्ट प्लेयर घोषित हुनुभएकाे हाे । आयोजकले विभिन्न व्यक्तिगत इभेन्टमा पुरस्कृत गरेको थियो । जसअनुसार वेष्ट प्लेयर सहित सशस्त्रका ४ जना खेलाडी पुरस्कृत हुँदा वेष्ट कोच सहित आयोजकका ४ जना खेलाडी पुरस्कृत भएका छन् ।

त्यस्तै वेष्ट सेटर सशस्त्रका मिलन राना, वेष्ट डिफेन्डर रुकुम पश्चिमका लक्ष्मण शाही, वेष्ट ब्लकर सशस्त्रका विक्रम भुजेल, उदयिमान खेलाडी रुकुम पश्चिमका पहल गहतराज, वेष्ट सर्भर रुकुम पश्चिमकै नविन ओली, वेष्ट स्पाइकर सशस्त्रका भोजबहादुर विसी र वेष्ट क्विकर रुकुम पश्चिमका हस्त रावत बन्नुभयाे।

वेष्ट कोच भने आयोजक रुकुम पश्चिमकी धनमाया बोहरा बन्नुभएको छ । वेष्ट प्लेयरलाई १० हजार र अन्यलाई ५/५ हजार नगद पुरस्कार प्रदान गरिएको आयोजक रुकुम पश्चिम भलिबल प्रशिक्षण केन्द्रले जनाएको छ । त्यस्तै सबैलाई ट्रफिको समेत व्यवस्था गरिएको थियो ।

प्रकाशित मिति: सोमबार, वैशाख २५, २०८० ०७:०४