सदस्यता त्यागको स्वघोषणा गर्न निष्कृय पत्रकारलाई पत्रकार महासंघ रुकुम पश्चिमको आग्रह

समाज

Home
समाज
सदस्यता त्यागको स्वघोषणा गर्न निष्कृय पत्रकारलाई पत्रकार महासंघ रुकुम पश्चिमको आग्रह

सदस्यता त्यागको स्वघोषणा गर्न निष्कृय पत्रकारलाई पत्रकार महासंघ रुकुम पश्चिमको आग्रह

कखरा संवाददाता सोमबार, जेठ १, २०८०

नेपाल पत्रकार महासंघ रुकुम पश्चिमले निष्कृय पत्रकारहरुलाई नेपाल पत्रकार महासंघको साधारण सदस्यता त्यागको स्वघोषणा गर्न आग्रह गरेको छ । लामो समय देखि पत्रकारितामा नरहेका र फरक पेसामा रहेकाहरुलाई साधारण सदस्यता त्यागको स्वघोषणा गर्न आग्रह गरेको हो ।

सदस्यता शुद्धिकरण अभियान अन्तर्गत हिजो पत्रकारितामा रहेका र सो बेला साधारण सदस्यता लिएका तर अहिले पत्रकारितामा निष्कृय रहेका व्यक्तिहरुलाई सदस्यता आफैले त्यागेको घोषणा गर्न आग्रह गरिएको नेपाल पत्रकार महासंघ रुकुम पश्चिम शाखा अध्यक्ष लक्ष्मण केसीले जानकारी दिनुभयो ।

यसका लागि महासंघले सूचना जारी गरेको छ । आईतबार महासंघले जारी गरेको सूचनामा महासंघको केन्द्रिय समितिबाट जारी भएको ‘सदस्यता शुद्धीकरण मापदण्ड, २०७९’ अनुसार विगतका दिनमा पत्रकारितामा महत्वपूर्ण योगदान दिनुभएका र हाल पत्रकारितामा क्रियाशिल नरहनुभएका, शाखामा आबद्ध साधारण सदस्यहरुलाई स्वेच्छिक रुपमा साधारण सदस्यता त्यागको स्व–घोषणा लागि आह्वान गरिएको छ ।

हाल नेपाल पत्रकार महासंघ रुकुम पश्चिमका साधारण सदस्य १ सय ३ जना रहेका छन् । तर अधिकांश पत्रकारितामा सक्रिय छैनन् । सदस्यता शुद्धिकरण अभियान अन्तर्गत जिल्लाका पत्रकार तथा पत्रकार संघ संगठनहरुसंग पनि छलफल भइरहेको अध्यक्ष केसीले बताउनुभयो ।

यसअघिका वर्षहरुमा पनि सदस्यता शुद्धिकरणका कुरा उठ्ने गरेपनि शुद्धिकरण हुन नसकेकामा यो पटक भने त्यस्तो नहुने उहाँको भनाई छ ।

प्रकाशित मिति: सोमबार, जेठ १, २०८० ०९:१७

प्रतिक्रिया दिनुहोस्