आजभोलि
मूल्य र मान्यता विपरित
ऊ! दर खान्छ ।
(१)
एक महिना अघि देखि नै
कूविचारमा रन्थनिएर
गौरवपूर्ण संस्कार र संस्कृतिको
खिलापमा
तारे होटेलहरुमा
शैक्षिक संस्थाहरुमा
सरकारी कार्यालयहरुमा
ठूलो धनराशी खर्चेर
मैमत्त मुद्रामा
ऊ! दर खान्छ ।
(२)
रक्सी र ह्वस्कीको
बेतालमा
मुना,सिता र सावित्रीहरुको
आदर्श र अस्मितामा
आँच पुग्ने गरी
नाटकीय अभिनयमा
कुत्सित मनोभावना बोकेर
ऊ! दर खान्छ ।
(३)
महंगा सुन र गहनाले बेरिएर
बाहिर झिलिमिली
भित्र इलिमिली पारामा
बाल्जाकको गीत र धुनमा
सडक छेउमै
-र्याप शैलीमा नाच्दै
ऊ ! दर खान्छ ।
(४)
आफ्नो सभ्यता र संस्कृति
विपरित
पाश्चात्य संस्कृतिको छाडा
प्रस्तुतिमा
आफ्नै हैसियत बिर्सेर
देखावटी शैलीमा
प्रफुल्लित मुद्रामा
प्रत्येक बर्ष
ऊ ! दर खान्छ ।
(५)
