रुकुम पश्चिमको चौरजहारीमा मोटरसाइकल दुर्घटनामा परी एक युवकको मृत्यु भएको छ । आज बिहान २ बजेतिर भएको मोटरसाइकल दुर्घटनामा परी चौरजहारी नगरपालिका वडा नम्बर १ लामिछाने गाउँका ३२ वर्षीय चिरञ्जीवी लामिछानेको मृत्यु भएको जिल्ला प्रहरी कार्यालयले जनाएको छ । 

चौरजहारी बजारबाट घर तर्फ गइरहेका लामिछानेले चलाएको कर्णाली प्रदेश ०३–००१ प ०४७३ नम्बरको मोटरसाइकल अनियन्त्रित भई दुर्घटना भएको जिल्ला प्रहरी प्रमुख डिएसपी प्रमेश विष्टले जानकारी गराउनुभयो । दुर्घटनामा परी घाइते भएका लामिछानेलाई उपचारका लागि चौरजहारी अस्पताल लगिएको तर डाक्टरले मृत घोषणा गरेको बताइएको छ ।