रुकुम पश्चिमको मुसिकोट नगरपालिका वडा नम्बर ६ ट्याखोलामा आजबाट यू–१६ पालिका स्तरीय क्रिकेट प्रतियोगिता सुरु भएको छ । प्रतियोगिताको मुसिकोट नगर प्रमुख महेन्द्र केसीले ब्यानर पढेर उद्घाटन गर्नुभएको हो । उद्घाटन कार्यक्रमलाई सम्वोधन गर्दै नगर प्रमुख केसीले क्रिकेट खेलाडी उत्पादनको लागि मुसिकोट नगरपालिका सहयोग गर्न तयार रहेको र सकेको सहयोग गर्ने समेत प्रतिवद्धता व्यक्त गर्नुभयो । खेल क्षेत्रबाट जिल्लालाई राष्ट्रिय तथा अन्तराष्ट्रियस्तरमा चिनाउनुपर्ने  उहाँको भनाई थियो । खेल क्षेत्रलाई अगाडी बढाउन नगरपालिका सधै सकरात्कमक रहेको नगर प्रमुख केसीले बताउनुभयो । 

पहिलोपटक आयोजना गरिएको पालिका स्तरीय प्रतियोगितामा चारवटा स्थानीय तहबाट खेलाडीले सहभागिता जनाएको आयोजक क्रिकेट संघ रुकुम पश्चिमले जनाएको छ । प्रतियोगितामा मुसिकोट नगरपालिका, चौरजहारी नगरपालिका, त्रिवेणी गाउँपालिका र सानीभेरी गाउँपालिकाका खेलाडीले सहभागिता  जनाएको क्रिकेट संघका  जिल्ला सचिव मनिष खड्काले जानकारी दिनुभयो । उहाँका अनुसार आठविसकोट नगरपालिका र बाँफिकोट गाउँपालिकाबाट खेलाडीहरुले प्रतियोगितामा सहभागि जनाएका छैैन्न् ।  यही प्रतियोगिताबाटै जिल्ला स्तरीय यू–१६ खेलाडी छनौट समेत गरिने उहाँले जानकारी दिनुभयाे । 

उद्घाटन समारोहमा त्रिवेणी गाउँपालिका र मुसिकोट नगरपालिको टिमले प्रतिस्पर्धा गरेका थिए । खेल शुक्रबार सकिने आयोजकले जनाएको छ । प्रतियोगितामा विजेता हुने समुहले  नगद ३० हजार रुपैयाँसहित कप प्रमाणपत्र प्राप्त गर्दा उप विजेता हुने समुहले नगद २० हजार रुपैयाँसहित कप र प्रमाणपत्र प्राप्त गर्ने छ । खेल अवधिभर उत्कृष्ट प्रदर्शन गर्ने एकजना खेलाडीलाई साइकलको व्यवस्था गरिएको छ । त्यस्तै प्रत्येक विधाका उत्कृष्ट खेलाडीहरूलाई समेत आकर्षक पुरस्कारको व्यवस्था गरिएको आयोजकले जनाएको छ । खेलाडीलाई खेलअवधिभर नास्ताको व्यवस्था गरिनुका साथै प्रतियोगितामा सहभागिको लागि कुनै शुल्क उठाएको छैन् । प्रतियोगिताको सह आयोजक मुसिकोट ५ बागबजारमा रहेको दिव्यनी स्पोर्टस रहेको छ । 

जिल्ला क्रिकेट संघका उपाध्यक्ष गोपाल लामिछानेको अध्यक्षतामा भएको  उद्घाटन कार्यक्रममा नगर प्रमुख महेन्द्र केसीको प्रमुख आतिथ्यता रहेको थियो । त्यस्तै प्रमुख जिल्ला अधिकारी कुलबहादुर जिसीको विषेश आतिथ्यता रहेको थियो । त्यसैगरी जिल्ला प्रहरी कार्यालयका प्रमुख प्रहरी नायव उपरीक्षक प्रमेश विष्ट, शसस्त्र प्रहरी बलका प्रमुख मदनबहादुर धानुक, सहायक प्रमुख  जिल्ला अििधकारी विनोद रेग्मी, ६ नम्बर वडा अध्यक्ष भानु मल्ल, पत्रकार लागायतको आतिथ्यता रहेको थियो । कार्यक्रमको संचालन क्रिकेट संघका सचिव मनिष खड्काले गर्नभएको थियो ।